რამდენ ხანს გაგრძელდება უამინდობა საქართველოში - სინოპტიკოსების პროგნოზი

© photo: Sputnik / Stringerმოღრუბლული ამინდი თბილისში
მოღრუბლული ამინდი თბილისში - Sputnik საქართველო, 1920, 02.05.2022
გამოწერა
5 მაისიდან ქვეყნის მთელ ტერიტორიაზე გრილი და ნოტიო მასები გავრცელდება, შესაძლოა ჰაერის ტემპერატურამ დაიკლოს.
თბილისი, 2 მაისი – Sputnik. დაბალი ტემპერატურა საქართველოს ტერიტორიაზე 5 მაისის ჩათვლით შენარჩუნდება, ნათქვამია გარემოს ეროვნული სააგენტოს ინფორმაციაში.
სინოპტიკოსების პროგნოზით, 2 მაისს საქართველოში შენარჩუნებული იქნება გრილი, ღრუბლიანი და ნალექიანი ამინდი. ჰაერის ტემპერატურა დაბლობსა და ბარში +11, +16 გრადუსის ფარგლებშია მოსალოდნელი.
3-4 მაისს დასავლეთ საქართველოში შედარებით გამოიდარებს, ხოლო აღმოსავლეთ საქართველოში კვლავ ხანმოკლე წვიმა და ელჭექია მოსალოდნელი, ზოგან შესაძლებელია სეტყვაც. ჰაერის ტემპერატურა დღის საათებში დაბლობსა და ბარში +18, +23 გრადუსამდე მოიმატებს.
5 მაისიდან ქვეყნის ტერიტორიის უმეტეს ნაწილზე გავრცელდება გრილი და ნოტიო ჰაერის მასები. მოსალოდნელია ჰაერის ტემპერატურის დაკლება და წვიმა, ზოგან ძლიერი.
თბილისში ღამისა და საღამოს საათებში შესაძლოა ხანმოკლე წვიმა ელჭექით. ჰაერის ტემპერატურა 2 და 5 მაისს +14, +16 იქნება, ხოლო 3-4 მაისს ჰაერი +20, +22 გრადუსამდე გათბება.
ყველა ახალი ამბავი
0