ხახვის სასწაული: დაიდეთ გაჭრილი ხახვი საძინებელში - ექვსი მიზეზი

© Pixabay / _Alicja_ხახვი
ხახვი - Sputnik საქართველო, 1920, 02.05.2022
გამოწერა
Yandex newsTelegram
თბილისი, 2 მაისი — Sputnik. ხახვს, კერძების აუცილებელ ინგრედიენტს ჯანმრთელობისთვის ბევრი სარგებელი მოაქვს როგორც ნედლს, ისე მოშუშულს, აცხადებენ სპეციალისტები.
მათი თქმით, ამ ბოსტნეულს ბუნებრივი ანტიბიოტიკის ეფექტი აქვს, რაც ბევრისთვის ცნობილი ფაქტია, თუმცა ცოტამ თუ იცის, რომ გაჭრილი ხახვის საწოლთან დადებას ასევე მოაქვს წარმოუდგენელი შედეგები.

ხახვის სარგებელი

ხახვი მდიდარია ვიტამინებითა და მინერალური ნივთიერებებით. გარდა A, C და B ვიტამინებისა, ის ასევე არის გოგირდის, იოდის, კალციუმის, რკინის, ფოლიუმის მჟავის, მაგნიუმის, ფოსფორის, კალიუმისა და ანტიოქსიდანტების წყარო.
ხახვში შემავალი ვიტამინი A აძლიერებს იმუნურ სისტემას ინფექციების წინააღმდეგ, ასევე ძალიან მნიშვნელოვანია თვალების ჯანმრთელობისთვის. B ვიტამინი ხელს უწყობს იმუნური და ნერვული სისტემების გამართულ ფუნქციონირებას, ხოლო C ვიტამინი, უპირველეს ყოვლისა, უზრუნველყოფს დაავადებებისგან დაცვას, განსაკუთრებით ზამთარში.

რატომ უნდა დადოთ ხახვი საძინებელში

თუ ხახვს გაასუფთავებთ, ოთხად გაჭრით და საძინებელში მოათავსებთ, მისი ანტიოქსიდანტური ეფექტი გამოგაჯანმრთელებთ და უფრო ენერგიულსაც გაგხდით.
გარდა ამისა, საძინებელში ხახვის მოთავსება ასევე სასარგებლოა ოთახში მიკრობების მოსასპობად.
ხახვი ასევე ხელს უწყობს გულის ჯანმრთელობას, ხელს უშლის ინფექციურ დაავადებებს და შეიცავს იმუნიტეტის გამაძლიერებელ კომპონენტებს.
თუ ხახვს საწოლთან ახლოს დაიდებთ, ეს გრიპის ან გაციების დროს სუნთქვას გაგიადვილებთ.
სასუნთქი გზების გასუფთავებისა და სუნთქვის გაიოლების კვალდაკვალ სწრაფად მოგეხსნებათ ხველებაც.
გარდა ამისა, კვლევებმა დაადასტურა, რომ ხახვში შემავალი გოგირდი ხელს უშლის ჰიპერტენზიის განვითარებას და ამასთან ამსუბუქებს მის გამოვლინებებს.
ყველა ახალი ამბავი
0