იყავით ფრთხილად! საქართველოში „კინდერის“ საეჭვო პარტია გამოვლინდა

© photo: Sputnik / Sergey Pyatakov / ფოტობანკში გადასვლაKinder-ის შოკოლადის კვერცხი
Kinder-ის შოკოლადის კვერცხი - Sputnik საქართველო, 1920, 29.04.2022
გამოწერა
Yandex newsTelegram
სურსათის ეროვნული სააგენტო მოუწოდებს მომხმარებელს, თუ შეძენილი აქვს პროდუქცია კონკრეტული პარტიებიდან, ის არ გამოიყენოს.
თბილისი, 29 აპრილი – Sputnik.სურსათის ეროვნულმა სააგენტომ „კინდერის“ შოკოლადის საეჭვო პარტიებთან დაკავშირებით ახალი შეტყობინება მიიღო. სააგენტო მომხმარებლებს აფრთხილებს, რომ არ გამოიყენონ Ferrero-ს მიერ წარმოებული პროდუქციის კონკრეტული სეგმენტი.
სურსათის ეროვნულმა სააგენტომ ჯანმრთელობისა და სურსათის უვნებლობის გენერალური დირექტორატის (DG SANTE) ევროპის კომისიის RASFF-ის სწრაფი განგაშის სისტემით ახალი შეტყობინება 28 აპრილს მიიღო. შეტყობინება ბელგიაში მდებარე Ferrero-ს ფაბრიკის მიერ წარმოებული სხვადასხვა დასახელების შოკოლადის პროდუქტის სალმონელის ბაქტერიით — Salmonella Typhimurium-ით სავარაუდო დაბინძურების ფაქტებს უკავშირდება.
სურსათის ეროვნულმა სააგენტომ შესაბამისი ღონისძიებები უკვე დაიწყო – იმპორტიორ კომპანიას დაავალა კონკრეტული პარტიების რეალიზაციიდან ამოღება ან/და ბაზარზე უკვე განთავსებულის ამოღება/გამოთხოვა, დასაწყობება, რაოდენობის აღრიცხვა და გატარებული ქმედებების თაობაზე სააგენტოს დაუყოვნებლივ ინფორმირება. ამავდროულად ბიზნეს-ოპერატორთან ტარდება არაგეგმური ინსპექტირება.
სურსათის ეროვნული სააგენტო მოუწოდებს მომხმარებელს, თუ შეძენილი აქვს პროდუქცია დასახელებული პარტიებიდან, ის არ გამოიყენოს. კონკრეტული პარტიების ნახვა კი შესაძლებელია ბმულზე - https://nfa.gov.ge/Ge/News/Details/372
ევროპაში – დიდ ბრიტანეთში, საფრანგეთში, გერმანიაში, ბელგიასა და სხვა ქვეყნებში სალმონელას ასობით შემთხვევა დაფიქსირდა, განსაკუთრებით, 10 წლამდე ბავშვებში, რაც, სავარაუდოდ, დაკავშირებულია Ferrero-ს მიერ წარმოებული სხვადასხვა დასახელების „კინდერის“ შოკოლადის პროდუქტის Salmonella Typhimurium-ით დაბინძურების ფაქტთან.
სურსათის ეროვნულმა სააგენტომ RASFF-ის სწრაფი განგაშის სისტემით მიმდინარე წლის 7 აპრილსაც მიიღო შეტყობინება სხვადასხვა დასახელების შოკოლადის პროდუქტებში სალმონელას სავარაუდო არსებობის შესახებ, რის შემდეგაც მყისიერად დაიწყო კონკრეტული პარტიის გამოვლენის პროცედურები, თუმცა მაშინ საქართველოს სამომხმარებლო ბაზარზე არცერთი საეჭვო პარტია არ გამოვლენილა.
ყველა ახალი ამბავი
0