„ნაციონალური მოძრაობის“ წევრი სასამართლოს მიმართ უპატივცემულობის გამო დააკავეს

© photo: Sputnik / Stringerთბილისის საქალაქო სასამართლო. სააკაშვილის პროცესი
თბილისის საქალაქო სასამართლო. სააკაშვილის პროცესი - Sputnik საქართველო, 1920, 28.04.2022
გამოწერა
Yandex newsTelegram
დაკავებულმა სასამართლოს მიმართ უპატივცემულობა გამოხატა და შეურაცხყოფა მიაყენა პროკურორებსა და მოსამართლეს, განაცხადეს პროკურატურაში.
თბილისი, 28 აპრილი – Sputnik. ოპოზიციური პარტია „ერთიანი ნაციონალური მოძრაობის“ წევრი ჯემალ ქიქავა სასამართლოს მიმართ უპატივცემულობის გამო დააკავეს, ნათქვამია საქართველოს პროკურატურის განცხადებაში.
გამოძიებამ დაადგინა, რომ ქიქავამ 28 მარტს, 2007 წლის 7 ნოემბრის მოვლენების შესახებ საქმის განხილვისას, რომელშიც ბრალდებულია ქვეყნის ყოფილი პრეზიდენტი მიხეილ სააკაშვილი, უპატივცემულობა გამოხატა სასამართლოსადმი და, მიუხედავად გაფრთხილებისა, დაარღვია საზოგადოებრივი წესრიგი, შეურაცხყო პროკურორები და მოსამართლე, ნათქვამია უწყების განცხადებაში.
პროკურატურა ქიქავასთვის აღკვეთის ღონისძიების შეფარდების მოთხოვნით სასამართლოს უახლოეს მომავალში მიმართავს.
ბრალის დამტკიცების შემთხვევაში მას ერთ წლამდე თავისუფლების აღკვეთა ემუქრება.
ყველა ახალი ამბავი
0