სააკაშვილმა ამანათი მხოლოდ ერთხელ ვერ მიიღო - პენიტენციური სამსახური

© courtesy of Mikheil Saakashviliმიხეილ სააკაშვილი
მიხეილ სააკაშვილი - Sputnik საქართველო, 1920, 27.04.2022
გამოწერა
Yandex newsTelegram
„ნაციონალურ მოძრაობაში“ განაცხადეს, რომ სააკაშვილს „გადაუკეტეს ყველა გზა, რომ საკვები მიიღოს“.
თბილისი, 27 აპრილი – Sputnik. საქართველოს ექს-პრეზიდენტმა მიხეილ სააკაშვილმა, რომელიც სასჯელს რუსთავის №12 ციხეში იხდის, ამანათი მხოლოდ ერთი დღის განმავლობაში ვერ მიიღო, ნათქვამია პენიტენციური სამსახურის განცხადებაში.
„ერთიანი ნაციონალური მოძრაობის“ დეპუტატმა ეკა ხერხეულიძემ სააკაშვილთან პაემნის შემდეგ განაცხადა, რომ ექს-პრეზიდენტს „გადაუკეტეს ყველა გზა, რომ საკვები მიიღოს“. მისი თქმით, მიხეილ სააკაშვილს მხოლოდ სამი სახის საკვების მიღება შეუძლია, რომელიც აქამდე ამანათის სახით ციხეში შეჰქონდათ, თუმცა ციხის ადმინისტრაციამ ეს აკრძალა.

„მიხეილ სააკაშვილს ამანათი მხოლოდ ერთი დღით არ მიუღია... ინფორმაციისთვის, პენიტენციურ სისტემაში ყოფნის პერიოდში მიხეილ სააკაშვილს მრავალჯერ აქვს მიღებული ამანათი. საზოგადოების ინფორმირების მიზნით განვმარტავთ, რომ მ. სააკაშვილს დაწესებულების ტერიტორიაზე არსებულ მაღაზიაში შეუძლია ყველა იმ საკვები პროდუქტის შეძენა, რომელიც დაწესებულების დებულებით არ იკრძალება, მის კუთვნილ ბარათზე დარიცხული თანხის საშუალებით“, – ნათქვამია პენიტენციური სამსახურის განცხადებაში.

სააკაშვილისთვის ასევე ყოველდღიურად გათვალისწინებულია პატიმრისთვის განსაზღვრული სამჯერადი კვება.
პენიტენციურ სამსახურში ასევე უარყვეს რამდენიმე მედიასაშუალების მიერ გავრცელებული ინფორმაცია მიხეილ სააკაშვილის შესაძლო მოწამვლის ან პრეპარატებით ინტოქსიკაციის შესახებ, რაც „პენიტენციური სამსახურის თანამშრომელთა დისკრედიტაციას ემსახურება“.
როგორც სოციალურ ქსელში სააკაშვილის ადვოკატმა ნიკა გვარამიამ დაწერა, სააკაშვილი არ შიმშილობს, ის უბრალოდ ვერ იღებს საკვებს. ამიტომ იღებდა მხოლოდ უცხიმო სულგუნს და კიტრს.
სააკაშვილის მხარდამჭერები მის გადაყვანას მოითხოვენ უცხოეთის კლინიკაში.
ნიკა მელია პრეზიდენტს სააკაშვილის შეწყალებას სთხოვს >>
სასამართლოს ბოლო სხდომაზე ექს-პრეზიდენტმა დაიჩივლა, რომ თავს ცუდად გრძნობს და მას არასათანადოდ მკურნალობენ. მისი თქმით, მას პრაქტიკულად არ შეუძლია საკვების მიღება და ამის გამო 12 კგ დაიკლო. მედიკოსების დახმარება სააკაშვილს სასამართლოს სხდომაზეც დასჭირდა.
პენიტენციურ სამსახურში, თავის მხრივ, უარყვეს ინფორმაცია პატიმრის არასაკმარისი სამედიცინო მომსახურების თაობაზე.
სააკაშვილი, რომლის წინააღმდეგაც საქართველოში რამდენიმე სისხლის სამართლის საქმეა აღძრული, სამშობლოში არალეგალურად 2021 წლის 29 სექტემბერს დაბრუნდა და იგი თბილისში 1 ოქტომბერს დააკავეს.
საზღვრის უკანონო კვეთის საქმის გარდა, სასამართლო სააკაშვილის წინააღმდეგ იხილავს კიდევ ორ საქმეს. ერთი ეხება 2007 წლის 7 ნოემბრის აქციის ძალადობრივ დარბევას, მეორე – სახელმწიფო სახსრების გაფლანგვას, რომელსაც „პიჯაკების საქმე“ უწოდეს.
ყველა ახალი ამბავი
0