რუსეთში უკრაინის დელეგაციასთან პირისპირ შეხვედრის პირობა დაასახელეს

  - Sputnik საქართველო, 1920, 25.04.2022
გამოწერა
Yandex newsTelegram
თბილისი, 25 აპრილი – Sputnik. რუსეთისა და უკრაინის დელეგაციების მორიგი პირისპირ შეხვედრა შეიძლება კვლავ ჩატარდეს, ოღონდ ერთი პირობით, განაცხადა რუსეთის საგარეო საქმეთა მინისტრის მოადგილე ანდრეი რუდენკომ.
მისი თქმით, ეს პირობა არსებითი შეთანხმებებია, რომლებიც დღეს არ არსებობს.
„როგორც კი გვექნება არსებითი შეთანხმებები, რომლებზეც შესაძლებელი იქნება აზრთა საგნობრივი გაცვლა, მაშინ ეს საკითხი განხილული იქნება. ჯერჯერობით კი ასეთი რამ არ არსებობს“, — განუცხადა რუდენკომ ჟურნალისტებს.
ბოლოს რუსეთისა და უკრაინის დელეგაციებმა პირისპირ მოლაპარაკებები 29 მარტს გამართეს სტამბულში. 12 აპრილს ვლადიმირ პუტინმა განაცხადა, რომ მოლაპარაკებები ჩიხში შევიდა. თავის მხრივ, უკრაინის პრეზიდენტმა ვოლოდიმირ ზელენსკიმ განაცხადა, რომ რუსეთთან წარმატებული მოლაპარაკებების შანსები მცირდება, ხოლო უკრაინულ საზოგადოებას არ სურს დიალოგის გაგრძელება.
ყველა ახალი ამბავი
0