თბილისმა წიგნის მსოფლიო დედაქალაქის სტატუსი გვადალახარას გადასცა

© courtesy of Tbilisi City Hallთბილისმა წიგნის მსოფლიო დედაქალაქის სტატუსი გვადალახარას გადასცა
თბილისმა წიგნის მსოფლიო დედაქალაქის სტატუსი გვადალახარას გადასცა - Sputnik საქართველო, 1920, 25.04.2022
გამოწერა
Yandex newsTelegram
„თბილისი - წიგნის მსოფლიო დედაქალაქი“ – იუნესკოს პროექტია, საქართველოში ის თბილისის მერიის ფინანსური მხარდაჭერით განხორციელდა
თბილისი, 25 აპრილი – Sputnik. თბილისმა, რომელიც იუნესკოს წიგნის მსოფლიო დედაქალაქი 2021 წლის 23 აპრილიდან იყო, სტატუსი მექსიკის ქალაქ გვადალახარას გადასცა, იუწყება თბილისის მერია.
სტატუსის გადაცემის ცერემონია გვადალახარაში გაიმართა, რომელსაც თბილისის მერის მოადგილე ანდრია ბასილაია, პროექტის დირექტორი ნინია მაჭარაშვილი და განმახორციელებელი გუნდის წევრები დაესწრნენ.
გარდა ამისა, ცერემონიაში მონაწილეობდნენ იუნესკო-სა და გვადალახარის მერიის წარმომადგენლები, მექსიკელი მწერლები, გამომცემლები და სხვა საპატიო სტუმრები.
წიგნის მსოფლიო დედაქალაქი თბილისი ერთი წლის განმავლობაში იყო. ამ პერიოდში 50-ზე მეტი მასშტაბური, სახალხო, პროფესიული, საბავშვო, ახალგაზრდული, ტექნოლოგიური და საგანმანათლებლო ადგილობრივი თუ საერთაშორისო პროექტი განხორციელდა.
პროექტის ფარგლებში დაარსდა საბავშვო წიგნის ფესტივალი და ლიტერატურული პრემია „ნაკადული“, განახლდა თბილისის ყველა საჯარო სკოლის ბიბლიოთეკა, მწერლების, მთარგმნელებისა და გამომცემლობებისთვის ჩატარდა არაერთი კონკურსი თუ ლექცია-სემინარი.
პანდემიისგან გამოწვეული შეზღუდვების მიუხედავად, შედგა არაერთი სახალხო ღონისძიებაც. მათ შორის, წიგნების ფლიმარკეტები, ვაჟა-ფშაველას, გალაკტიონისა და სხვათა შემოქმედებისადმი მიძღვნილი საღამოები.
ასევე მოეწყო სამი ლიტერატურული ბანაკი სტუდენტებისა და განსაკუთრებული საჭიროების მქონე ადამიანებისთვის. გახმოვანდა და აუდიო წიგნების სახით გამოვიდა თანამედროვე ქართველი ავტორების ნაწარმოებები და ა.შ.
პროექტი თბილისის მერიის ფინანსური მხარდაჭერით განხორციელდა, გენერალური სპონსორი საქართველოს ბანკი იყო, პროექტის პარტნიორები კი: მწერალთა სახლი, საქართველოს წიგნის გამომცემელთა და გამავრცელებელთა ასოციაცია, ლიტერატურის მუზეუმი, საქართველოს საზოგადოებრივი მაუწყებელი, აშშ-ის საელჩო საქართველოში, გოეთეს ინსტიტუტი, ილიას სახელმწიფო უნივერსიტეტი, ეროვნული ბიბლიოთეკა, ჯეოლაბი, აჭარა ჯგუფი და სხვა.
ყველა ახალი ამბავი
0