ლანჩხუთში აღდგომის დღესასწაული ტრადიციული ლელობურთით აღნიშნეს

© Sputnik/ VN Production / Vaska Gedenidze შუხუთელები ლელობურთის დასაწყებად მზად არიან
შუხუთელები ლელობურთის დასაწყებად მზად არიან - Sputnik საქართველო, 1920, 24.04.2022
გამოწერა
16-კილოგრამიან ლელოს ბურთს ტრადიციისამებრ ადგილობრივები წმინდა გიორგის სახელობის ტაძარში მიიტანენ.
თბილისი, 24 აპრილი - Sputnik. ლანჩხუთის მუნიციპალიტეტის სოფელ შუხუთში აღდგომის დღესასწაულზე ტრადიციული ლელობურთი გაიმართა.
ლელობურთში ერთმანეთს ზემო და ქვემო შუხუთელები შეეჯიბრნენ.
„ეს ვაჟკაცების თამაშია. პანდემიის გამო, ორი წელიწადი არ გვითამაშია, უარი ვთქვით, რაც არასოდეს მომხდარა. ასე რომ, პანდემია უკვე გადავიდა და წელსაც რომ ყოფილიყო საშიშროება, ალბათ წელსაც გავჩერდებოდით“, – განაცხადა შუხუთის წმინდა გიორგის სახელობის ეკლესიის წინამძღვრმა, მამა საბა ჟღენტმა.
თითქმის ორასი წელია გურულები ლელობურთს შუხუთში ყოველ აღდგომა დღეს თამაშობენ.
ერთმანეთს ზემო და ქვემო შუხუთი (ანუ, ზემოურები და ქვემოურები) ზუსტად 16-კილოგრამიანი, საქონლის ტყავისგან შეკერილი ბურთით ეპაექრება და გამარჯვებული სოფლის ის ნაწილია, რომელიც ბურთს თავისი უბნისკენ წაიღებს და ღელეზე გადებულ ბოგირთან ახლოს დადებს.
კორონავირუსის პანდემიის გამო ბოლო ორი წელის განმავლობაში ტრადიციული ლელობურთი არ ჩატარებულა.
2019 წელს ლელობურთს არამატერიალური კულტურული მემკვიდრეობის ძეგლის სტატუსი მიენიჭა. გურულები ამ თამაშს უკავშირებენ „შუხუთფერდის“ ბრძოლას, რომელიც 1854 წელს გაიმართა. ისტორიული ბრძოლა, რომელიც ცნობილია როგორც ნიგოითის ბრძოლა, რუსეთ-თურქეთის ომის დროს მოხდა.
ლელო – გუნდური თამაშია, რომელიც ბევრი რამით ტრადიციულ რაგბის წააგავს. თამაშში ორი 30 წუთიანი ტაიმი და 10 წუთიანი შესვენებაა.
ყველა ახალი ამბავი
0