სუსმა შარშან ტერორისტული ორგანიზაციის ხუთი წევრი გამოავლინა

© Sputnik / Alexander Imedashviliსუსის შენობა
სუსის შენობა - Sputnik საქართველო, 1920, 18.04.2022
გამოწერა
Yandex newsTelegram
უწყება ატარებდა ოპერატიულ-სამძებრო ღონისძიებებს საერთაშორისო ტერორისტული ორგანიზაციების დაფინანსების ან სხვა დახმარების აღსაკვეთად.
თბილისი, 18 აპრილი – Sputnik. 2021 წელს საქართველოს უსაფრთხოების სამსახურმა ტერორისტული ორგანიზაციის წევრობის ფაქტზე რამდენიმე სისხლის სამართლის საქმის გამოძიება დაიწყო, შედეგად ხუთი ადამიანი დააკავეს და დააპატიმრეს, ნათქვამია სუსის ანგარიშში.
სახელმწიფო უსაფრთხოების სამსახურის მიერ მომზადებული ანგარიში პარლამენტს განსახილველად გადაეცა. მისი ერთ-ერთი თავი ეძღვნება ქვეყნის ტერიტორიაზე ტერორისტული ორგანიზაციების, ან მათთან დაკავშირებული პირების მიერ საქართველოს მოქალაქეების შესაძლო გადაბირების საკითხს.

„გატარებული ღონისძიებების შედეგად დაკავებულ ხუთ მოქალაქეს პატიმრობა შეეფარდა. აღნიშნული პირები ახლო აღმოსავლეთში გამგზავრებას და ტერორისტული ორგანიზაციის რიგებში ბრძოლას აპირებდნენ. სამსახურის მიერ განხორციელებული დროული რეაგირების შედეგად დანაშაულებრივი განზრახვის სისრულეში მოყვანა თავიდან იქნა აცილებული“, – ნათქვამია სუსის ანგარიშში.

უწყების მონაცემებით, კიბერსივრცეში მუდმივად ჩნდებოდა ტერორისტული იდეოლოგიის პროპაგანდის ფაქტები, ამის საწინააღმდეგოდ გამოყენებულ იქნა კანონით გათვალისწინებული ღონისძიებები. კერძოდ, ათობით უცხოელი მოქალაქე იძულებული გახდა დაეტოვებინა საქართველოს ტერიტორია.
ამასთან, სუსის ინფორმაციით, უწყება ატარებდა ოპერატიულ-სამძებრო ღონისძიებებს საერთაშორისო ტერორისტული ორგანიზაციების დაფინანსების ან სხვა დახმარების აღსაკვეთად. კერძოდ, მიმდინარეობდა უწყვეტი დაკვირვება სხვადასხვა ოპერაციებსა და გარიგებებზე, რომლებიც სავარაუდო ტერორიზმთან კავშირში იყვნენ შემჩნეული.
ყველა ახალი ამბავი
0