Пандемия коронавируса - COVID-19 и человеческие клетки изучаются под микроскопом - Sputnik საქართველო, 1920
COVID-19 - ბოლო ცნობები
კაცობრიობა უდიდეს გამოწვევის - კორონავირუსის საფრთხის წინაშე აღმოჩნდა. მეცნიერები და მსოფლიოს მთავრობები ყოველდღიურ ბრძოლაში არიან ჩართულნი ადამიანთა სიცოცხლის გადასარჩენად. რა ხდება მსოფლიოში და საქართველოში - იხილეთ Sputnik საქართველოს მასალებში.

გახდება თუ არა აუცილებელი საქართველოში კორონავირუსის საწინააღმდეგო მეოთხე დოზა?

© photo: Sputnik / Stringerვაქცინაცია
ვაქცინაცია - Sputnik საქართველო, 1920, 18.04.2022
გამოწერა
ბოლო მონაცემებით, საქართველოში სულ ჩატარებულია კორონავირუსის საწინააღმდეგო 3 მლნ-მდე აცრა.
თბილისი, 18 აპრილი — Sputnik. საქართველოს ჯანდაცვის სამინისტროს იმუნიზაციის საბჭოსგან არ მიუღია რეკომენდაცია კორონავირუსის ვაქცინის მეოთხე დოზასთან დაკავშირებით, განაცხადა ჯანდაცვის მინისტრმა ზურაბ აზარაშვილმა.
მასმედიაში გავრცელდა ინფორმაცია იმის შესახებ, რომ საქართველოს იმუზაციის საბჭო გეგმავს კორონავირუსის საწინააღმდეგო ვაქცინის მეოთხე დოზის შემოღების საკითხი განიხილოს.

„იმუნიზაციის საბჭო მუდმივ რეჟიმში იხილავს სხვადასხვა ქვეყნის მაგალითებს ამა თუ იმ ვირუსისა და შტამის მიმდინარეობის შესახებ. თუ საბჭო რეკომენდაციას გასცემს, მაშინ ჩვენ სამინისტროს დონეზე გავივლით საკითხს და მივიღებთ გადაწყვეტილებას. ჯერჯერობით ასეთი რეკომენდაცია არ მოსულა“, – განაცხადა აზარაშვილმა ბრიფინგზე.

ბოლო მონაცემებით, საქართველოში სულ 2.872.820 აცრაა ჩატარებული, აქედან სრულად (ორი დოზით) ვაქცინირებულია 1.261.067 ადამიანი, „ბუსტერ-დოზა“ ჩატარებული აქვს 244.431 პირს.
საქართველოში 6 აპრილს პრეპარატ Pfizer-ით ვაქცინაცია განახლდა. 5 აპრილს ქვეყანამ აღნიშნული პრეპარატის ახალი პარტია - 250 ათასი დოზა მიიღო.
ამჟამად ქვეყანაში ხელმისაწვდომია ასევე ჩინური Sinopharm-ის და Sinovac-ის ვაქცინების დაახლოებით 600 ათასი დოზა, რომელთაც ვადა 2023 წლის ივლისამდე აქვთ.
სავაჭრო ცენტრი - Sputnik საქართველო, 1920, 18.04.2022
COVID-19 - ბოლო ცნობები
თბილისის შემდეგ სამეგრელო-ზემო სვანეთი: ეპიდვითარება საქართველოს რეგიონებში
2021 წელს საქართველომ სულ კორონავირუსის საწინააღმდეგო 5 მლნ ვაქცინის მობილიზება შეძლო, მათგან 2 მლნ დოზაზე მეტი Pfizer-ი იყო. 1 მლნ დოზა სახელმწიფომ შეისყიდა, ნახევარი მილიონი აშშ-ის მთავრობისგან საჩუქრად მიიღო, რის შემდეგაც ევროკავშირის ქვეყნებიდან კიდევ ორი დონაცია განხორციელდა.
მიუხედავად ინფიცირების შემთხვევების მკვეთრი კლებისა, სპეციალისტები თვლიან, რომ ქვეყანაში კოვიდის საწინააღმდეგო ვაქცინაციის ტემპი უნდა გაიზარდოს.
საქართველოში მოსახლეობის ვაქცინაცია 2021 წლის 15 მარტს ინგლისურ-შვედური ფარმაცევტული კომპანია AstraZeneca-თი დაიწყო. 30 მარტიდან ხელმისაწვდომი გახდა ამერიკული ვაქცინა Pfizer, 4 მარტიდან ჩინური Sinopharm-ი, ხოლო 24 მაისიდან ჩინური Sinovac-ი.
2021 წლის 11 ოქტომბრიდან საქართველოში ქრონიკული დაავადებების მქონე 12-დან 15 წლამდე მოზარდების ვაქცინაცია დაიწყო. მანამდე აცრის გაკეთება ნებადართული იყო 16 წლის ზემოთ პირთათვის. მოზარდებში ვაქცინაციისთვის მხოლოდ Pfizer-ი არის დაშვებული.
ყველა ახალი ამბავი
0