დღეიდან მეტეხის ხიდზე საავტომობილო გადაადგილება იზღუდება

© photo: Sputnik / Stringerმეტეხის ხიდი
მეტეხის ხიდი - Sputnik საქართველო, 1920, 18.04.2022
გამოწერა
Yandex newsTelegram
მეტეხის ხიდის სარეაბილიტაციო სამუშაოები ზაფხულის ბოლოს დასრულდება.
თბილისი, 18 აპრილი – Sputnik. თბილისის მერია მეტეხის ხიდის რეაბილიტაციას იწყებს, რის გამოც დღეიდან ხიდზე საავტომობილო გადაადგილება ნაწილობრივ შეიზღუდება. ამის შესახებ თბილისის მერმა კახა კალაძემ დედაქალაქის მთავრობის დღევანდელ სხდომაზე განაცხადა.
კალაძის ინფორმაციით, სამუშაოების ფარგლებში დაგეგმილია თაღების გამაგრება, ფასადების დამუშავება. ასევე სავალ ნაწილზე ასფალტ-ბეტონის ახალი საფარი დაიგება, ტროტუარები მთლიანად განახლდება და ბუნებრივი ქვის ფილებით მოპირკეთდება, ხიდზე არსებული თუჯის მოაჯირები კი იერსახის უცვლელად იქნება აღდგენილი.
„დაგეგმილი სამუშაოების გამო დღეიდან მეტეხის ხიდზე საავტომობილო გადაადგილება ნაწილობრივ შეიზღუდება. სამუშაოები ზაფხულის ბოლოს დასრულდება. საპატრულო პოლიცია გვეხმარება ამ ყველაფერში, რისთვისაც მინდა მათ მადლობა გადავუხადო“, – განაცხადა კახა კალაძემ.
მეტეხის ხიდის სარეაბილიტაციო სამუშაოებს კომპანია „ბესკო" შეასრულებს. პროექტის ღირებულება დაახლოებით 2 მლნ ლარს შეადგენს.
ყველა ახალი ამბავი
0