მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

იაპონიას AUKUS-ში გაწევრიანება შესთავაზეს

© photo: Sputnik / Alexey Filippov / ფოტობანკში გადასვლა
  - Sputnik საქართველო, 1920, 13.04.2022
გამოწერა
Yandex newsTelegram
თბილისი, 13 აპრილი — Sputnik. ავსტრალია, დიდი ბრიტანეთი და შეერთებული შტატები სთავაზობენ იაპონიას, შეუერთდეს სამმხრივი თავდაცვის ალიანსს (AUKUS), რომელიც 2021 წლის შემოდგომაზე შეიქმნა, იუწყება გაზეთი Sankei.
გამოცემის ინფორმაციით, AUKUS-ის ქვეყნები დაინტერესებული არიან, გამოიყენონ ტოკიოს ტექნოლოგიური შესაძლებლობები ჰიპერბგერითი იარაღისა თუ რადიოლექტრონული ბრძოლის საშუალებების შესაქმნელად, ასევე კიბერნეტიკის, ხელოვნური ინტელექტისა და კვანტური ტექნოლოგიების სფეროებში ერთობლივი მუშაობისთვის.
ანონიმმა ოფიციალურმა პირებმა გაზეთს განუცხადეს, რომ ავსტრალიამ, დიდმა ბრიტანეთმა და შეერთებულმა შტატებმა ჯერჯერობით არაოფიციალურად მიიწვიეს იაპონია AUKUS-ში.
Sankei-ს ინფორმაციით, იაპონიის მთავრობაში AUKUS-ში გაწევრიანებას ჰყავს მომხრეები, რომლებიც დარწმუნებული არიან, რომ ეს სტრუქტურა დაეხმარება მათ „ჩინეთთან დაპირისპირებაში“. თუმცა არიან ისეთებიც, რომლებსაც მიაჩნიათ, რომ შეერთებულ შტატებთან, დიდ ბრიტანეთთან და ავსტრალიასთან გარკვეულ სფეროებში ორმხრივი თანამშრომლობით შემოფარგვლა უკეთესია.
AUKUS 2021 წლის სექტემბერში შეიქმნა. მისი სახელწოდება ჩამოყალიბებულია წევრების მიხედვით: Australia, United Kingdom, United States. ალიანსის მიზანი იყო ინდოეთისა და წყნარი ოკეანეების რეგიონში უსაფრთხოების უზრუნველყოფა. 2022 წლის აპრილში აშშ, დიდი ბრიტანეთი და ავსტრალია ჰიპერბგერითი იარაღის შექმნაზე შეთანხმდნენ.
ყველა ახალი ამბავი
0