მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

გენერალური ასამბლეა ვეტოს შემთხვევაშიც უნდა შეიკრიბოს: გაეროში რეზოლუციის პროექტი შევიდა

  - Sputnik საქართველო, 1920, 13.04.2022
გამოწერა
Yandex newsTelegram
თბილისი, 13 აპრილი — Sputnik. ლიხტენშტეინმა გაეროს გენერალურ ასამბლეას წარუდგინა რეზოლუციის პროექტი, რომელიც მოითხოვს, რომ ეს ორგანო შეიკრიბოს ყოველ ჯერზე, როცა უშიშროების საბჭოში ვეტოს უფლებას იყენებენ.
შესაბამისი ინფორმაცია გაეროში ლიხტენშტეინის მუდმივმა წარმომადგენლობამ გაავრცელა.
არსებული ცნობით, ინიციატივას მხარი 38-მა სახელმწიფომ დაუჭირა.

„ეს რეზოლუცია მნიშვნელოვანი ნაბიჯი იქნება გენერალური ასამბლეისა და მრავალმხრივი მიდგომის პრინციპის გასაძლიერებლად“, — ნათქვამია ლუქსემბურგის მისიის Twitter-ზე.

როგორც გაეროს გენასამბლეაში აცხადებენ, დოკუმენტზე კენჭისყრის თარიღი ჯერჯერობით დადგენილი არ არის, თუმცა რეზოლუციის მხარდაჭერა უკვე ღიად გამოაცხადეს ავსტრალიამ, ავსტრიამ, ბულგარეთმა, ირლანდიამ, ლატვიამ, ლიტვამ, მალტამ, ახალმა ზელანდიამ, ნორვეგიამ, ესტონეთმა.
რეზოლუციის პროექტი ითვალისწინებს გენერალური ასამბლეის სხდომის ორგანიზებასა და დებატებს 10 სამუშაო დღის ვადაში, თუ უშიშროების საბჭოში ერთმა ან მეტმა მუდმივმა წევრმა ქვეყანამ ვეტოს უფლება გამოიყენა, ხოლო გენასამბლეა ამ ვითარებაზე სპეციალურ სესიას არ გამართავს.
დოკუმენტის თანახმად, პუნქტი „ვეტოს გამოყენება“ განსახილველად გენერალური ასამბლეის 77-ე სესიის დღის წესრიგში უნდა შევიდეს.
აღსანიშნავია, რომ გაეროს უშიშროების საბჭოში ვეტოს უფლება აქვს მხოლოდ ხუთ მუდმივ წევრს: დიდ ბრიტანეთს, ჩინეთს, რუსეთს, აშშ-სა და საფრანგეთს.
26 თებერვალს რუსეთმა გაეროს უშიშროების საბჭოში ვეტოს უფლება გამოიყენა, რითაც დაბლოკა საბჭოს რეზოლუცია, რომელიც უკრაინაში რუსეთის „სამხედრო ოპერაციას“ გმობდა. მაშინ რეზოლუციას მხარი 11-მა ქვეყანამ დაუჭირა, ხოლო ჩინეთმა, ინდოეთმა და არაბთა გაერთიანებულმა საამიროებმა კენჭისყრისას თავი შეიკავეს.
ყველა ახალი ამბავი
0