პესკოვი: ნეჰამერისა და პუტინის შეხვედრა ხანმოკლე იყო

© photo: Sputnik / Sergey Guneev / ფოტობანკში გადასვლადმიტრი პესკოვი
დმიტრი პესკოვი - Sputnik საქართველო, 1920, 12.04.2022
გამოწერა
Yandex newsTelegram
თბილისი, 12 აპრილი — Sputnik. რუსეთის პრეზიდენტ ვლადიმირ პუტინსა და ავსტრიის კანცლერ კარლ ნეჰამერს შორის საუბარი დიდხანს არ გაგრძელებულა, განუცხადა დმიტრი პესკოვმა ჟურნალისტებს.
მისი თქმით:

„საუბარი ხანმოკლე იყო. ხანმოკლე, ასე ვთქვათ, ბოლო დროის სტანდარტებით“.

შეხვედრა, რომელიც მოსკოვთან ახლოს, რუსეთის ლიდერის რეზიდენციაში გაიმართა, პრესისთვის დახურულ რეჟიმში მიმდინარეობდა. ავსტრიული მედიის ცნობით, ორი ქვეყნის ლიდერები 90 წუთის განმავლობაში საუბრობდნენ.
ჟურნალისტების თხოვნაზე, კომენტარი გაეკეთებინა ოპტიმიზმის ნაკლებობის შესახებ ავსტრიის კანცლერის განცხადებაზე, პესკოვმა თქვა, რომ ჯერ არ იცნობს მოლაპარაკებების შედეგს და ვერაფერს იტყვის.
რაც შეეხება კარლ ნეჰამერს, პუტინთან შეხვედრის შემდეგ მან განაცხადა, რომ უკრაინაში მიმდინარე მოვლენებთან დაკავშირებით რუსეთის პრეზიდენტთან პირადი შეხვედრებია აუცილებელი. მისი თქმით, „დარეკვა ერთია, მაგრამ ერთმანეთისთვის თვალებში ჩახედვა და ომის საშინელებებზე საუბარი ბევრად მნიშვნელოვანია“.
ყველა ახალი ამბავი
0