შალვა პაპუაშვილი გარეგინ მეორეს შეხვდა

© Government of Georgiaშალვა პაპუაშვილი
შალვა პაპუაშვილი - Sputnik საქართველო, 1920, 06.04.2022
გამოწერა
Yandex newsTelegram
გუშინ შალვა პაპუაშვილი სომხეთის პრემიერ-მინისტრ ნიკოლ ფაშინიანს და სხვა ოფიციალურ პირებს შეხვდა.
თბილისი, 6 აპრილი – Sputnik. საქართველო მზადაა რეგიონული დიალოგის ხელშეწყობა გააგრძელოს, განაცხადა საქართველოს პარლამენტის თავმჯდომარემ შალვა პაპუაშვილმა უმაღლეს პატრიარქსა და ყოველთა სომეხთა კათოლიკოს გარეგინ მეორესთან შეხვედრაზე.
საქართველოს პარლამენტის თავმჯდომარე სომხეთში ორდღიანი ოფიციალური ვიზიტით ჩავიდა. ქართული დელეგაციის შემადგენლობაში არიან ვიცე-სპიკერი გია ვოლსკი, დეპუტატები სოზარ სუბარი, სამველ მანუკიანი, სუმბატ ქიურეგიანი, ელგუჯა გოცირიძე და ხათუნა სამნიძე.
გუშინ შალვა პაპუაშვილი სომხეთის პრემიერ-მინისტრ ნიკოლ ფაშინიანს შეხვდა.
მხარეებმა ისაუბრეს ქართველი და სომეხი ხალხების მრავალსაუკუნოვან ისტორიულ კავშირებზე, 2022-2024 წლების კულტურული თანამშრომლობის პროგრამის ხელმოწერაზე, ასევე ხელშეკრულების, რომელიც 2021 წლის დეკემბერში ეკონომიკური თანამშრომლობის მთავრობათშორისი კომისიის ფარგლებში იქნა მიღწეული.
შეხვედრისას შალვა პაპუაშვილმა ასევე ხაზი გაუსვა სამხრეთ კავკასიაში მშვიდობიანი თანამშრომლობისა და თანაარსებობის მნიშვნელობას.
საქართველომ და სომხეთმა დიპლომატიური ურთიერთობა 1992 წლის 17 ივლისს დაამყარეს. ქვეყნები ბევრ სფეროში თანამშრომლობენ. ყველაზე ინტენსიურია თანამშრომლობა ვაჭრობისა და ეკონომიკის სფეროებში. ქვეყნებს შორის თავისუფალი ვაჭრობის რეჟიმი მოქმედებს და სომხეთი საქართველოს ძირითადი სავაჭრო პარტნიორების ათეულში შედის.
ყველა ახალი ამბავი
0