იწყება მეტეხის ხიდის სრული რეაბილიტაცია

© photo: Sputnikმეტეხის ხიდი
მეტეხის ხიდი - Sputnik საქართველო, 1920, 06.04.2022
გამოწერა
Yandex newsTelegram
სამუშაოების დასრულების შემდეგ მეტეხის ხიდი მოწესრიგებული იქნება, აღნიშნა თბილისის მერმა.
თბილისი, 6 აპრილი – Sputnik. თბილისის მერია მეტეხის ხიდის სრულ რეაბილიტაციას იწყებს, განაცხადა დედაქალაქის მერმა კახა კალაძემ მუნიციპალიტეტის მთავრობის სხდომაზე.
პროექტის ფარგლებში გზის სავალ ნაწილზე ასფალტ-ბეტონის ახალი საფარი დაიგება, ტროტუარები განახლდება და ბუნებრივი ქვის ფილებით მოპირკეთდება. ასევე დაგეგმილია ფასადებისა და თაღების გამაგრება და დამუშავება. გარდა ამისა, ხიდზე არსებული თუჯის მოაჯირები იერსახის უცვლელად განახლდება.

„თბილისის მერია მეტეხის ხიდის სრულ რეაბილიტაციას იწყებს. ეს იყო ჩვენი წინასაარჩევნო დაპირება. დედაქალაქში გვაქვს ხიდები, რომლებიც რეაბილიტაციას საჭიროებს. ამ ეტაპზე კი მეტეხის ხიდით ვიწყებთ“, – განაცხადა კალაძემ.

მისი თქმით, პროექტის ღირებულება დაახლოებით 2 მილიონი ლარია. სამუშაოები დაახლოებით ათი დღის განმავლობაში დაიწყება.
„სამუშაოების დასრულების შემდეგ მეტეხის ხიდი ყველანაირად მოწესრიგებული და განახლებული იქნება“, – აღნიშნა თბილისის მერმა.
კალაძის თქმით, დაგეგმილი სამუშაოების გამო მეტეხის ხიდის არეალსა და მიმდებარე ტერიტორიაზე საავტომობილო გადაადგილება ნაწილობრივ შეიზღუდება.
სავალი ნაწილის გადაკეტვის შესახებ ინფორმაციას დედაქალაქის მერია მოსახლეობას წინასწარ მიაწვდის.
ყველა ახალი ამბავი
0