თბილისში ოპერა „კარმენი" აჟღერდება

© photo: Sputnikთბილისის ოპერისა და ბალეტის თეატრი
თბილისის ოპერისა და ბალეტის თეატრი - Sputnik საქართველო, 1920, 05.04.2022
გამოწერა
საქართველოში „კარმენი" პირველად 1885 წლის 15 ოქტომბერს შესრულდა.
თბილისი, 5 აპრილი — Sputnik. ფრანგი კომპოზიტორის ჟორჟ ბიზეს ცნობილი ოპერა „კარმენი" თბილისის ზაქარია ფალიაშვილის ოპერისა და ბალეტის სახელმწიფო თეატრის სცენაზე 16 და 17 აპრილს შესრულდება.
დადგმაში, რომლის რეჟისორიც ლევან წულაძეა, მონაწილეობენ თეატრის სოლისტები, გუნდი და ორკესტრი. ბილეთები იყიდება ოპერის თეატრის სალაროებში და ონლაინ. დასაწყისი 19:00 საათზე.
„კარმენი" ოთხაქტიანი ოპერაა პროსპერ მერიმეს ამავე სახელწოდების ნოველის მიხედვით, ლიბრეტოს ავტორები არიან ანრი მელიაკი და ლუდოვიკ გალევი.
ოპერა ჟორჟ ბიზეს (1838-1875) შემოქმედების კულმინაციას და მსოფლიო საოპერო მუსიკის შედევრებს შორის ერთ-ერთ უდიდეს მწვერვალს წარმოადგენს. „კარმენის" პრემიერა 1875 წლის 3 მარტს პარიზის Opéra-Comique-ში გაიმართა. ზუსტად სამ თვეში კომპოზიტორი გარდაიცვალა. მისი ნაადრევი სიკვდილი, ისტორიკოსების აზრით, იმ გრანდიოზული სკანდალით იყო გამოწვეული, რომელიც ოპერის გარშემო განვითარდა: ელიტამ სიუჟეტი უხამსად მიიჩნია, ხოლო მუსიკა – ბანალურად.
მიუხედავად ამისა, „სკანდალურმა“ ოპერამ სხვა თეატრების ყურადღება მიიპყრო. ის მალევე დადგეს ვენაში, შემდეგ ვენეციაში და სხვა ევროპულ და ამერიკულ თეატრებში. „კარმენს" ყველგან წარმატება ხვდა წილად.
ოპერა საქართველოში პირველად 1885 წლის 15 ოქტომბერს შესრულდა.
ყველა ახალი ამბავი
0