ბიბილოვს ცხინვალში ორი რეფერენდუმის ჩატარება სურს

  - Sputnik საქართველო, 1920, 05.04.2022
გამოწერა
Yandex newsTelegram
თბილისი, 5 აპრილი — Sputnik. დე ფაქტო პრეზიდენტი ანატოლი ბიბილოვი ცხინვალის რეგიონში ორი რეფერენდუმის ჩატარებას გეგმავს: პირველს რუსეთის შემადგენლობაში შესვლასთან დაკავშირებით, ხოლო მეორეს — ჩრდილოეთ ოსეთთან მიერთებასთან დაკაშირებით.

„ჩვენ უნდა გვესმოდეს, რომ რუსეთის ფედერაციაში პირდაპირ შესვლა და მაშინვე პირდაპირ გაერთიანება ჩრდილოეთ ოსეთთან არ მოხდება. ეს იმიტომ, რომ კანონდებლობა არ იძლევა ამის უფლებას. როცა „სამხრეთ ოსეთი“ რუსეთის შემადგენლობაში იქნება, მაშინ უნდა წავიდეს ოსეთის გაერთიანების პროცესები, და მაშინ უკვე ორი რეფერენდუმი უნდა ჩატარდეს“, — თქვა ბიბილოვმა.

როგორც მან აღნიშნა, „ეს იქნება ოსებისა და ოსეთის გაერთიანება“.
მანამდე ბიბილოვმა განაცხადა, რომ ცხინვალი უახლოეს მომავალში გადადგამს იურიდიულ ნაბიჯებს რუსეთის შემადგენლობაში შესვლასთან დაკავშირებით. მისი თქმით, ამ დროისათვის მიმდინარეობს კონსულტაციები მოსკოვთან.
საქართველოს ხელისუფლებამ მიუღებელი უწოდა ბიბილოვის ინიციატივას და აღნიშნა, რომ საქართველოს ხელისუფლების მიერ არაკონტროლირებად ტერიტორიებზე რეფერენდუმებს არანაირი ლეგიტიმაცია არ ექნება.
საქართველომ აფხაზეთსა და ცხინვალის რეგიონზე კონტროლი 1990-იანი წლების დასაწყისში დაკარგა შეიარაღებული კონფლიქტის შემდეგ. 2008 წლის აგვისტოს ომის შემდეგ კი რუსეთმა მათი დამოუკიდებლობა აღიარა. საქართველო არ ცნობს მათ დამოუკიდებლობას და ამ ორ რეგიონს რუსეთის მიერ ოკუპირებულ ტერიტორიებად მიიჩნევს.
ყველა ახალი ამბავი
0