წყალტუბოში მდინარეში დაკარგული ბიჭი გარდაცვლილი იპოვეს

© Sputnik / Alexander Imedashviliსამაშველო ოპერაცია
სამაშველო ოპერაცია - Sputnik საქართველო, 1920, 03.04.2022
გამოწერა
Yandex newsTelegram
17 წლის ბიჭს ხიდზე ფეხი დაუცდა და ის მდინარე ლეხიდარში ჩავარდა. უბედური შემთხვევა 2 აპრილს მოხდა
თბილისი, 3 აპრილი - Sputnik. წყალტუბოს მუნიციპალიტეტის სოფელ ლეხიდრისთავში, მდინარეში გაუჩინარებული მოზარდი მაშველებმა გარდაცვლილი იპოვეს. ამის შესახებ ინფორმაციას შინაგან საქმეთა სამინისტროს საგანგებო სიტუაციების მართვის სამსახური ავრცელებს.
უწყების ინფორმაციით, რთული რელიეფის გამო მაშველებმა ცხედარი მდინარიდან სასაზღვრო პოლიციის ვერტმფრენის დახმარებით ამოიყვანეს. გარდაცვლილი სასამართლო-სამედიცინო ექსპერტიზის ჩატარების მიზნით პროზექტურაშია გადასვენებული.
სამძებრო ოპერაციაში ჩართული იყო 45 მეხანძრე-მაშველი, მათ შორის ორი მყვინთავი. ტერიტორიის მონიტორინგში ასევე ჩართული იყო საფრენი აპარატი – დრონი.
17 წლის ბიჭს ხიდზე ფეხი დაუცდა და ის მდინარე ლეხიდარში ჩავარდა.
საგანგებო სიტუაციების მართვის სამსახურის ინფორმაციით, შეტყობინება წყალტუბოს მუნიციპალიტეტის სოფელ ლეხიდრისთავში გაუჩინარებული მოქალაქის შესახებ საზოგადოებრივი უსაფრთხოების მართვის ცენტრ „112"-ში 2 აპრილს შევიდა.
ყველა ახალი ამბავი
0