შარტავას ქუჩაზე ავარიაში დაშავებულ ბავშვს მეორე ოპერაცია ჩაუტარდა

© photo: Sputnik / Alexander Imedashviliიაშვილის ბავშვთა საავადმყოფო
იაშვილის ბავშვთა საავადმყოფო - Sputnik საქართველო, 1920, 02.04.2022
გამოწერა
ბავშვი მართვით სუნთქვაზე იმყოფება.
თბილისი, 2 აპრილი — Sputnik. თბილისში, შარტავას ქუჩაზე ავტოსაგზაო შემთხვევის შედეგად დაშავებულ 8 წლის ბიჭს კიდევ ერთი, ტრავმატოლოგიური ოპერაცია ჩაუტარდა.
დიდი სიჩქარით მოძრავი მსუბუქი ავტომობილი ტროტუარზე მდგომ რვა წლის ბავშვს შარტავას ქუჩაზე 31 მარტს, დღის პირველ ნახევარში დაეჯახა. ავარიის დროს ბავშვი ტროტუარზე იდგა. ავტოსაგზაო შემთხვევის შედეგად არასრულწლოვანმა ჯანმრთელობის მძიმე ხარისხის დაზიანება მიიღო. მოზარდი იაშვილის სახელობის ბავშვთა ცენტრალურმა საავადმყოფოში გადაიყვანეს. ბავშვს მარჯვენა ფეხის ამპუტაცია დასჭირდა.
ბავშვის ჯანმრთელობის მდგომარეობა კვლავ უკიდურესად მძიმეა. ექიმები მისი სიცოცხლის გადასარჩენად იბრძვიან.

„ბავშვის ჯანმრთელობის ზოგადი მდგომარეობა უცვლელია, კვლავ უკიდურესად მძიმეა, მართვით სუნთქვაზე იმყოფება. გუშინ პაციენტს კიდევ ერთი, ტრავმატოლოგიური ოპერაცია ჩაუტარდა", - აღნიშნავენ კლინიკაში.

სამართალდამცველებმა მსუბუქი ავტომობილის მძღოლი იმავე დღეს დააკავეს. 1 აპრილს მას პატიმრობა შეეფარდა.
მომხდარზე გამოძიება სსკ-ის 276-ე მუხლის მეოთხე ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის მძიმე დაზიანება გამოიწვია.
ყველა ახალი ამბავი
0