არჩევნები ბათუმში: ოპონენტებმა ერთმანეთი დარღვევებში დაადანაშაულეს

© photo: Sputnik / Seyran Baroyanბათუმი გაზაფხულზე
ბათუმი გაზაფხულზე - Sputnik საქართველო, 1920, 02.04.2022
გამოწერა
НовостиTelegram
ხელისუფლება ოპოზიციას პროვოკაციებში ადანაშაულებს, ოპოზიცია კი ხელისუფლების - ამომრჩევლებზე ზეწოლაში
თბილისი, 2 აპრილი – Sputnik. ბათუმში შუალედური არჩევნები დაძაბულობის ფონზე მიმდინარეობს - ოპონენტებმა ერთმანეთს ბრალდებები წაუყენეს.
ბათუმში ამომრჩევლები საკრებულოს მაჟორიტარ დეპუტატს ირჩევენ. ამ არჩევნებით დადგინდება, ვის ექნება უმრავლესობა საკრებულოში - მმართველი პარტია „ქართული ოცნება - დემოკრატიულ საქართველოს“ თუ ოპოზიციას.
ბათუმის საკრებულოს მანდატისთვის ორი კანდიდატი იბრძვის - რამაზ ჯინჭარაძე პარტია „ქართული ოცნებიდან“ და მათე ფუტკარაძე მთავარი ოპოზიციური პარტია „ერთიანი ნაციონალური მოძრაობიდან“.
„ნაციონალურ მოძრაობა“, „ლელო“ და მათი თანამოძმეები წინასწარ არიან შეგუებულები, რომ არჩევნები წაგებული აქვთ. მიზანი აქვთ წინასწარ, უსაფუძვლო ალიბების შექმნა, თუ რატომ წააგებენ არჩევნებს“, - განაცხადა „ქართული ოცნების“ წარმომადგენელმა ლადო მგალობლიშვილმა.
თავის მხრივ, „ნაცმოძრაობაში“ ხელისუფლება ამომრჩეველთა დაშინებაში დაადანაშაულეს.
„ქართული ოცნება“ აკეთებს იგივეს, რასაც ყველა არჩევნებზე - ქუჩის კულტურის წარმომადგენლების დახმარებით ახდენს ზეწოლას ამომრჩევლებზე, პოლიცია კი დუმს, განაცხადა „ნაცმოძრაობის“ წარმომადგენელმა გიორგი კირთაძემ.
ბათუმის საკრებულოს შუალედურ არჩევნებში მონაწილეობის მიღება20.635-ს ამომრჩეველს შეუძლია. 12 საათისთვის ამომრჩეველთა 18,8%-მა არჩევანი უკვე დააფიქსირა.
არჩევნებს აკვირდება 278 პარტიის წარმომადგენელი, 1590 დამკვირვებელი 49 ადგილობრივი და 22 დამკვირვებელი 4 საერთაშორისო ორგანიზაციიდან.
პროცესს აშუქებს 16 მედიასაშუალების 679 ჟურნალისტი და ოპერატორი.
ყველა ახალი ამბავი
0