პესკოვი: რუსული გაზის საფასურის რუბლში გადახდა 31 მარტს არ დაიწყება

© photo: Sputnik / Vitaliy Timkiv / ფოტობანკში გადასვლა
  - Sputnik საქართველო, 1920, 30.03.2022
გამოწერა
Yandex newsTelegram
თბილისი, 30 მარტი — Sputnik. რუსული გაზის საფასურის რუბლებში გადახდის ახალი მექანიზმები 31 მარტიდან არ ამოქმედდება, განაცხადა რუსეთის პრეზიდენტის პრეს-მდივანმა დმიტრი პესკოვმა.

„აბსოლუტურად არა. გადახდა და მიწოდებები დროში გაჭიმული პროცესია“, — ციტირებს სააგენტო РИА Новости პესკოვის სიტყვებს.

კრემლის სპიკერის თქმით, ევროკავშირისა და სხვა ქვეყნებისთვის მიწოდებული რუსული გაზის საფასურის რუბლში გადახდის მექანიზმი აუცილებლად გამოქვეყნდება. „ისე არ არის, რომ იმ ყველაფრის ღირებულება, რაც ხვალ იქნება მიწოდებული, ხვალ საღამომდე უნდა იყოს გადახდილი. არა, ეს ბევრად უფრო გაწელილი პროცესია, ტექნოლოგიურად კი მარტივი“, — დასძინა პესკოვმა.
რუსეთის პრეზიდენტმა ვლადიმირ პუტინმა 23 მარტს გამოაცხადა, რომ „არამეგობარ ქვეყნებს“, რომლებიც ანტირუსულ სანქციებს შეუერთდნენ, გაზის საფასურის გადახდა რუსულ რუბლში მოუწევთ. რუსეთის ცენტრობანკსა და მთავრობას დაევალათ 31 მარტამდე განესაზღვრათ რუსულ ვალუტაში ტრანზაქციის პროცედურა.
ყველა ახალი ამბავი
0