მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

UNWTO-ს პროგნოზი: რამდენს დაკარგავს მსოფლიო ტურიზმი უკრაინის მოვლენების გამო

© AP Photo / Joan Mateu
  - Sputnik საქართველო, 1920, 25.03.2022
გამოწერა
Yandex newsTelegram
თბილისი, 25 მარტი — Sputnik. მსოფლიო ტურიზმის ორგანიზაციის პროგნოზით, უკრაინაში განვითარებული მოვლენების გამო მსოფლიო ტურიზმის ზარალმა შეიძლება 14 მილიარდი დოლარი შეადგინოს.
რუსეთმა უკრაინის ტერიტორიაზე ჯარები 24 თებერვალს შეიყვანა. პრეზიდენტ ვლადიმირ პუტინის თქმით, ეს არის „ოპერაცია უკრაინის დემილიტარიზაციისა და დენაციფიკაციის მიზნით“ და უკრაინის ტერიტორიების დაკავება არ შედის რუსეთის ფედერაციის გეგმებში. ამის საპასუხოდ დასავლეთის ქვეყნებმა რუსეთის წინააღმდეგ ეკონომიკური სანქციები უპრეცედენტოდ გაამკაცრეს.

„უკრაინასა და რუსეთში საჰაერო სივრცის დახურვა, ასევე რუსული ავიაკომპანიებისთვის ევროპის მრავალი ქვეყნის მიერ დაწესებული აკღძალვა, გავლენას ახდენს შიდაევროპულ მოგზაურობებზე. ამას თან სდევს ევროპასა და აღმოსავლეთ აზიას შორის შორ მანძილზე ფრენებში გადახვევები, რაც ფრენის დროს ახანგრძლივებს და ფასებიც ძვირდება“, - ნათქვამია UNWTO-ს განცხადებაში.

დოკუმენტში აღნიშნულია, რომ 2020 წელს რუსეთსა და უკრაინაზე საერთაშორისო ტურიზმზე მსოფლიო დანახარჯების 3% მოდიოდა, და თუ კონფლიქტი გაჭიანურდება, ტურიზმის მსოფლიო შემოსავლებმა შესაძლოა მინიმუმ 14 მილიარდი დოლარის შემოსავალი იზარალოს.
ორგანიზაცია ყურადღებას ამახვილებს იმაზე, რომ რუსეთისა და უკრაინის ბაზრები მნიშვნელოვანია როგორც მეზობელი ქვეყნებისთვის, ისე ევროპის ქვეყნებისთვისაც, სადაც ტურისტები ზღვაზე დასასვენებლად მიემგზავრებიან.
ყველა ახალი ამბავი
0