ვოლსკი: ძალისმიერი მეთოდებით ტერიტორიული მთლიანობის აღდგენა არ იგეგმება

© photo: Sputnikგიორგი ვოლსკი
გიორგი ვოლსკი - Sputnik საქართველო, 1920, 25.03.2022
გამოწერა
Yandex newsTelegram
თბილისი, 25 მარტი – Sputnik. ინფორმაცია, თითქოს საქართველოს ტერიტორიული მთლიანობის აღდგენა ძალისმიერი მეთოდით უნდა მოხდეს, არ შეესაბამება სიმართლეს, განაცხადა პარლამენტის პირველმა ვიცე-სპიკერმა გიორგი ვოლსკიმ.
ქართულ მასმედიაში გავრცელდა ინფორმაცია, სადაც რიგი არასამთავრობო ორგანიზაციები აცხადებენ, რომ ოკუპირებული ტერიტორიების მოსახლეობა შეშფოთებულია იმ ინფორმაციით, თითქოს ტერიტორიული მთლიანობის აღდგენა შეიძლება ძალისმიერი მეთოდით მოხდეს და ამაზე მთავრობაში მსჯელობა მიმდინარეობს.

„ეს სინამდვილეს არ შეესაბამება. ჩვენი პრინციპი არის ურღვევი და აფხაზებსაც, ქართველებსაც და ოსებსაც თქვენი (ჟურნალისტების) მეშვეობით მინდა გადავცე – ჩვენ ვიცით ფასი მეგობრობის, სიყვარულის, ვიცით შენდობა ცოდვების და ვიყურებით მომავალში“, – განაცხადა ვოლსკიმ.

მისივე ინფორმაციით, საქართველოს მთავრობას არ სურს ახალგაზრდების, მომავალი თაობის საომარ მოქმედებებში ჩართვა, მათ შორის, არც ამ საკითხთან დაკავშირებით.
საქართველომ აფხაზეთსა და ცხინვალის რეგიონზე კონტროლი 1990-იანების დასაწყისში დაკარგა შეიარაღებული კონფლიქტის შემდეგ. 2008 წლის აგვისტოს მოვლენების შემდეგ კი რუსეთმა მათი დამოუკიდებლობა აღიარა.
ყველა ახალი ამბავი
0