იაპონიამ საქართველოს კიდევ ერთი სახანძრო მანქანა აჩუქა

© photo: Sputnik / Alexander Imedashviliსახანძრო მანქანა
სახანძრო მანქანა - Sputnik საქართველო, 1920, 24.03.2022
გამოწერა
Yandex newsTelegram
ეს იქნება რიგით მეექვსე სახანძრო-სამაშველო ავტომანქანა, რომელსაც იაპონია ქართულ მხარეს გადასცემს.
თბილისი, 24 მარტი – Sputnik. იაპონია საქართველოს შინაგან საქმეთა სამინისტროს საგანგებო სიტუაციების მართვის სამსახურს სახანძრო-სამაშველო ავტოკიბეს გადასცემს. ინფორმაციას საგანგებო სიტუაციების მართვის სამსახური ავრცელებს.
უწყების ცნობით, სპეციალურ ტექნიკურ საშუალებას ქუთაისის სამმართველო მიიღებს, რაც მნიშვნელოვანი შენაძენი იქნება ქალაქის მასშტაბით მრავალსართულიან შენობებში სახანძრო-სამაშველო ოპერაციების შესრულებისთვის.
სამსახურისთვის ავტოკიბის გადაცემის შესახებ საგრანტო ხელშეკრულება „Arbeiter-samariter-bund საქართველოსა“ და იაპონიის საელჩოს შორის გაფორმდა.
ღონისძიება, რომელსაც საგანგებო სიტუაციების მართვის სამსახურის უფროსის პირველი მოადგილე ლევან ღირსიაშვილი ესწრებოდა, საქართველოში იაპონიის ელჩის რეზიდენციაში გაიმართა.
„მხარეებს შორის თანამშრომლობა წლებია ნაყოფიერად მიმდინარეობს. იაპონიის მთავრობის დახმარებით სამსახურმა უკვე მიიღო სხვადასხვა სახის ტექნიკური საშუალებები თბილისის, ბორჯომის, ბათუმის და ლაგოდეხის სახანძრო-სამაშველო განყოფილებებისთვის, რომლებსაც საგანგებო სიტუაციების მართვის სამსახურის თანამშრომლები აქტიურად იყენებენ სახანძრო-სამაშველო ოპერაციების დროს“, – აღნიშნულია ინფორმაციაში.
პროექტის განხორციელების შემდეგ ეს იქნება იაპონელების მიერ გადმოცემული უკვე მეექვსე სახანძრო-სამაშველო ავტომანქანა.
ყველა ახალი ამბავი
0