https://sputnik-georgia.com/20220323/saqartvelosi-legendaruli-mtamsvlelis-mixeil-xergianis-xsovnas-pativi-miages-265454484.html
საქართველოში ლეგენდარული მთამსვლელის მიხეილ ხერგიანის ხსოვნას პატივი მიაგეს
საქართველოში ლეგენდარული მთამსვლელის მიხეილ ხერგიანის ხსოვნას პატივი მიაგეს
Sputnik საქართველო
კლდეზე ცოცვის წარმოუდგენლად სწრაფი უნარის გამო ხერგიანს ინგლისელმა ალპინისტებმა „კლდის ვეფხვი“ შეარქვეს
2022-03-23T22:23+0400
2022-03-23T22:23+0400
2022-03-24T00:00+0400
ახალი ამბები
საქართველო
სპორტი
საქართველოს სიამაყე
https://cdnn1.img.sputnik-georgia.com/img/23601/39/236013951_0:0:4128:2322_1920x0_80_0_0_c998dbf2b5d2a17ac48a49758854fa8c.jpg
თბილისი, 23 მარტი – Sputnik. ცნობილ ქართველ ალპინისტს, მრავალგზის ჩემპიონს კლდეზე ცოცვაში მიხეილ ხერგიანს დღეს 90 წელი შეუსრულდებოდა. ამ თარიღთან დაკავშირებით კულტურის, სპორტისა და ახალგაზრდობის სამინისტრომ სპეციალური განცხადება გამოაქვეყნა.თავის მიმართვაში უწყებამ პატივი მიაგო მიხეილ ხერგიანის ხსოვნას და მის წვლილს ქართული სპორტის განვითარებაში.მიხეილ ხერგიანი იყო სვანეთის ერთ-ერთი პირველი ალპინისტის ბესარიონ ხერგიანის ვაჟი. ბესარიონ ხერგიანმა 1937 წელს უშბა დაიპყრო. მიხეილ ხერგიანის ბიძაც და ბიძაშვილიც ალპინისტები იყვნენ.ბავშვობა და ახალგაზრდობა მან სვანეთში გაატარა. მოზარდობიდან უსმენდა ამბებს მთამსვლელობაზე, გატაცებული იყო მთებში სიარულით, კლდეზე ცოცვით, სამთო-სათხილამურო სპორტითა და ჭიდაობით.როგორც სხვადასხვა ენციკლოპედიაშია მითითებული, მიხეილ ხერგიანი შვიდჯერ გახდა სსრკ-ის ჩემპიონი კლდეზე ცოცვაში. გამოირჩეოდა მთაზე ასვლისა და კლდეზე ცოცვის უბადლო ოსტატობით, რის გამოც მას ინგლისელმა ალპინისტებმა „კლდის ვეფხვი“ შეარქვეს.მიხეილ ხერგიანი იტალიაში, სუ-ალტოს მთაზე ასვლისას დაიღუპა. მისი სახელისა და ხსოვნის უკვდავსაყოფად 1976 წლიდან გაგრის მახლობლად ყოველწლიურად ტარდებოდა ხერგიანის მემორიალი (შეჯიბრება კლდეზე ცოცვაში). 1983 წელს კი მესტიაში მისი მემორიალური მუზეუმი გაიხსნა.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2022
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო მთამსვლელი მიხეილ ხერგიანი ხსოვნა პატივი
საქართველო მთამსვლელი მიხეილ ხერგიანი ხსოვნა პატივი
საქართველოში ლეგენდარული მთამსვლელის მიხეილ ხერგიანის ხსოვნას პატივი მიაგეს
22:23 23.03.2022 (განახლებულია: 00:00 24.03.2022) კლდეზე წარმოუდგენლად სწრაფად ცოცვის უნარის გამო ხერგიანს ინგლისელმა ალპინისტებმა „კლდის ვეფხვი“ შეარქვეს.
თბილისი, 23 მარტი – Sputnik. ცნობილ ქართველ ალპინისტს, მრავალგზის ჩემპიონს კლდეზე ცოცვაში მიხეილ ხერგიანს დღეს 90 წელი შეუსრულდებოდა. ამ თარიღთან დაკავშირებით კულტურის, სპორტისა და ახალგაზრდობის სამინისტრომ სპეციალური განცხადება გამოაქვეყნა.
თავის მიმართვაში უწყებამ პატივი მიაგო მიხეილ ხერგიანის ხსოვნას და მის წვლილს ქართული სპორტის განვითარებაში.
„მიხეილ ხერგიანი გამოირჩეოდა ალპინიზმისა და კლდეზე ცოცვის შეუდარებელი ოსტატობით და წარმატებას აღწევდა როგორც საქართველოში, ისე საზღვარგარეთ. მთებში წარმატებულმა სამაშველო ოპერაციებმა, რომლებსაც ის აწარმოებდა, მრავალი ადამიანი გადაარჩინა“, – აღნიშნულია განცხადებაში.
მიხეილ ხერგიანი იყო სვანეთის ერთ-ერთი პირველი ალპინისტის ბესარიონ ხერგიანის ვაჟი. ბესარიონ ხერგიანმა 1937 წელს უშბა დაიპყრო. მიხეილ ხერგიანის ბიძაც და ბიძაშვილიც ალპინისტები იყვნენ.
ბავშვობა და ახალგაზრდობა მან სვანეთში გაატარა. მოზარდობიდან უსმენდა ამბებს მთამსვლელობაზე, გატაცებული იყო მთებში სიარულით, კლდეზე ცოცვით, სამთო-სათხილამურო სპორტითა და ჭიდაობით.
როგორც სხვადასხვა ენციკლოპედიაშია მითითებული, მიხეილ ხერგიანი შვიდჯერ გახდა სსრკ-ის ჩემპიონი კლდეზე ცოცვაში. გამოირჩეოდა მთაზე ასვლისა და კლდეზე ცოცვის უბადლო ოსტატობით, რის გამოც მას ინგლისელმა ალპინისტებმა „კლდის ვეფხვი“ შეარქვეს.
მიხეილ ხერგიანი იტალიაში, სუ-ალტოს მთაზე ასვლისას დაიღუპა. მისი სახელისა და ხსოვნის უკვდავსაყოფად 1976 წლიდან გაგრის მახლობლად ყოველწლიურად ტარდებოდა ხერგიანის მემორიალი (შეჯიბრება კლდეზე ცოცვაში). 1983 წელს კი მესტიაში მისი მემორიალური მუზეუმი გაიხსნა.
