https://sputnik-georgia.com/20220322/usupashvili-qartul-ocnebas-prezidentis-motviniereba-surs-265397910.html
პარლამენტის ექს-სპიკერი: „ქართულ ოცნებას" სურს მოათვინიეროს პრეზიდენტი
პარლამენტის ექს-სპიკერი: „ქართულ ოცნებას" სურს მოათვინიეროს პრეზიდენტი
Sputnik საქართველო
პრეზიდენტმა მმართველი პარტიისთვის მიუღებელი ინიციატივები გამოთქვა, მიაჩნია დეპუტატს. 22.03.2022-ს, Sputnik საქართველო
2022-03-22T10:22+0400
2022-03-22T10:22+0400
2022-03-22T15:45+0400
საქართველო
საქართველოს პრეზიდენტი
ქართული ოცნება
პოლიტიკა საქართველოში
ახალი ამბები
https://cdnn1.img.sputnik-georgia.com/img/24246/56/242465628_0:0:2000:1125_1920x0_80_0_0_c7e8bf6b6180bc9f31cba5fc7fb41864.jpg
თბილისი, 22 მარტი — Sputnik. მმართველი პარტია „ქართული ოცნება - დემოკრატიული საქართველო“ ალტერნატიულ გზებს და საშუალებებს ეძებს, რათა „გაანეიტრალოს და მოათვინიეროს“ პრეზიდენტი სალომე ზურაბიშვილი, განაცხადა პარლამენტის ყოფილმა თავმჯდომარემ, პარტიის „ლელო საქართველოსთვის“ წევრმა დავით უსუფაშვილმა.დეპუტატმა აღნიშნული განცხადება „საქართველოს საკონსტიტუციო სასამართლოს შესახებ“ კანონში დაგეგმილ ცვლილებებთან დაკავშირებით კომენტარისას გააკეთა.კანონპროექტის ინიცირება მოჰყვა „ქართული ოცნების“ განცხადებას იმის თაობაზე, რომ პრეზიდენტმა დაარღვია კონსტიტუცია, რადგანაც, მიუხედავად მთავრობის უარისა, მაინც განახორციელა ევროპის რიგ ქვეყნებში ვიზიტები და პირველ პირებთან არაფორმალური და პირადი შეხვედრები გამართა.მისი თქმით, „ქართული ოცნება“ პარლამენტში შეტანილი კანონის პროექტით ცდილობს, ის შეუმდგარი მცდელობები, რაც გასულ კვირაში დაანონსეს, შემოვლითი გზით განახორციელოს. მოქმედი კანონმდებლობით, კომპეტენციის შესახებ დავის ფარგლებში საკონსტიტუციო სასამართლოში შეიძლება გასაჩივრდეს მხოლოდ ნორმატიული აქტი. ამ კონკრეტულ შემთხვევაში კი პრეზიდენტს არ გამოუცია მსგავსი სამართლებრივი აქტი, განმარტეს საქართველოს ახალგაზრდა იურისტთა ასოციაციაში. შესაბამისად, პრეზიდენტს არ შეეძლო მოპასუხის სახით საკუთარი თანხმობის გარეშე დავაში მონაწილეობა მიეღო.ინიცირებული ცვლილებების თანახმად, სახელმწიფო ორგანოს კომპეტენციის შესახებ დავა შეუძლია დაიწყოს არა მარტო სხვა ორგანოს მიერ გამოცემული ნორმატიული აქტის საფუძველზე, არამედ მოქმედების/უმოქმედობის საფუძველზე, თუ ჩათვლის, რომ ამ ორგანომ დაარღვია საკუთარი კონსტიტუციური უფლებამოსილებები.
https://sputnik-georgia.com/20220321/saiam-ocneba-prezidentis-diskreditaciis-mcdelobasi-daadanasaula-265378306.html
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2022
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
საქართველო, საქართველოს პრეზიდენტი, ქართული ოცნება , პოლიტიკა საქართველოში, ახალი ამბები
საქართველო, საქართველოს პრეზიდენტი, ქართული ოცნება , პოლიტიკა საქართველოში, ახალი ამბები
პარლამენტის ექს-სპიკერი: „ქართულ ოცნებას" სურს მოათვინიეროს პრეზიდენტი
10:22 22.03.2022 (განახლებულია: 15:45 22.03.2022) პრეზიდენტმა მმართველი პარტიისთვის მიუღებელი ინიციატივები გამოთქვა, მიაჩნია დეპუტატს.
თბილისი, 22 მარტი — Sputnik. მმართველი პარტია „ქართული ოცნება - დემოკრატიული საქართველო“ ალტერნატიულ გზებს და საშუალებებს ეძებს, რათა „გაანეიტრალოს და მოათვინიეროს“ პრეზიდენტი სალომე ზურაბიშვილი, განაცხადა პარლამენტის ყოფილმა თავმჯდომარემ, პარტიის „ლელო საქართველოსთვის“ წევრმა დავით უსუფაშვილმა.
დეპუტატმა აღნიშნული განცხადება „საქართველოს საკონსტიტუციო სასამართლოს შესახებ“ კანონში დაგეგმილ ცვლილებებთან დაკავშირებით კომენტარისას გააკეთა.
კანონპროექტის ინიცირება მოჰყვა „ქართული ოცნების“ განცხადებას იმის თაობაზე, რომ პრეზიდენტმა დაარღვია კონსტიტუცია, რადგანაც, მიუხედავად მთავრობის უარისა, მაინც განახორციელა ევროპის რიგ ქვეყნებში ვიზიტები და პირველ პირებთან არაფორმალური და პირადი შეხვედრები გამართა.
„უმრავლესობა იმით დაკავდა, რომ მოიფიქრონ ალტერნატიული გზები და საშუალებები პრეზიდენტის გასანეიტრალებლად და მოსათვინიერებლად. ეს კი ხდება იმის გამო, რომ პრეზიდენტმა პარლამენტში მათთვის არასასიამოვნო მოსაზრებები გააჟღერა და გამოთქვა ინიციატივები, რომ ის სახელმწიფო კონსოლიდაციის საკითხებში აქტიურად ჩაერთვება“, – განაცხადა უსუფაშვილმა ჟურნალისტებთან.
მისი თქმით, „ქართული ოცნება“ პარლამენტში შეტანილი კანონის პროექტით ცდილობს, ის შეუმდგარი მცდელობები, რაც გასულ კვირაში დაანონსეს, შემოვლითი გზით განახორციელოს.
მოქმედი კანონმდებლობით, კომპეტენციის შესახებ დავის ფარგლებში საკონსტიტუციო სასამართლოში შეიძლება გასაჩივრდეს მხოლოდ ნორმატიული აქტი. ამ კონკრეტულ შემთხვევაში კი პრეზიდენტს არ გამოუცია მსგავსი სამართლებრივი აქტი, განმარტეს საქართველოს ახალგაზრდა იურისტთა ასოციაციაში. შესაბამისად, პრეზიდენტს არ შეეძლო მოპასუხის სახით საკუთარი თანხმობის გარეშე დავაში მონაწილეობა მიეღო.
ინიცირებული ცვლილებების თანახმად, სახელმწიფო ორგანოს კომპეტენციის შესახებ დავა შეუძლია დაიწყოს არა მარტო სხვა ორგანოს მიერ გამოცემული ნორმატიული აქტის საფუძველზე, არამედ მოქმედების/უმოქმედობის საფუძველზე, თუ ჩათვლის, რომ ამ ორგანომ დაარღვია საკუთარი კონსტიტუციური უფლებამოსილებები.
