თოვლმა კახეთში პრობლემები შექმნა

© photo: Sputnik / Stringerთოვლი გზებზე
თოვლი გზებზე - Sputnik საქართველო, 1920, 19.03.2022
გამოწერა
Yandex newsTelegram
თელავში საზოგადოებრივმა ტრანსპორტმა მუშაობა შეაჩერა
თბილისი, 19 მარტი – Sputnik. საქართველოში დიდთოვლობამ პრობლემები შექმნა არამარტო მაღალმთიან რეგიონებში, არამედ დაბლობშიც.
კერძოდ, თელავის მუნიციპალიტეტის მერია გზებზე არსებული პრობლემების შესახებ იუწყება. ქალაქში დილიდან მიმდინარეობს გზების და ქუჩების გაწმენდის სამუშაოები, იყრება ტექნიკური მარილი.
„თელავში მძიმე ტექნიკა სრული დატვირთვით მუშაობს, თუმცა უსაფრთხოებიდან გამომდინარე მუნიციპალური ტრანსპორტით მოძრაობა შევაჩერეთ. მუდმივი კომუნიკაცია მაქვს მაღალ მთიან სოფლებშიც, საჭიროების შემთხვევაში ჩვენი ყველა სამსახური მობილიზებულია მოქალაქეების დასახმარებლად", - განაცხადა თელავის მერმა ლევან ანდრიაშვილმა.
გარდა ამისა, ყარაჯალაში, ცენტრალურ გზაზე ხე წაიქცა, შემთხვევის შედეგად არავინ დაშავებულა. შესაბამისი სამსახურების დროული რეაგირების შედეგად გზის გახსნა უმოკლეს დროში მოხერხდა, ნათქვამია მერიის განცხადებაში.
წყარო - თელავის მუნიციპალიტეტის მერია
ყველა ახალი ამბავი
0