„თბილსერვის ჯგუფი“: გზის გაწმენდის სამუშაოები უწყვეტ რეჟიმში მიმდინარეობს

© Sputnik / STRINGERთოვლი თბილისში
თოვლი თბილისში - Sputnik საქართველო, 1920, 19.03.2022
გამოწერა
Yandex newsTelegram
„თბილსერვის ჯგუფი“ მსუბუქი ავტომობილების მძღოლებს მოუწოდებს, გარდა მაღალი გამავლობის მქონე ავტომანქანებისა გადაადგილებისგან თავი შეიკავონ.
თბილისი, 19 მარტი - Sputnik. დედაქალაქში მოსული უხვი ნალექის, ქარბუქისა და ინტენსიური თოვის გამო, შპს „თბილსერვის ჯგუფი“ საგანგებო რეჟიმში მუშაობს.
„თბილსერვის ჯგუფის“ ინფორმაციით, ბოლო 24 საათის განმავლობაში დედაქალაქში უწყვეტ რეჟიმში მუშაობს შესაბამისი ტექნიკა. როგორც ცენტრალურ, ასევე შიდა გზებზე მიმდინარეობს გზის გაწმენდის სამუშაოები, იყრება ტექნიკური მარილი.
„დედაქალაქში წუხელ ღამის შემდეგ 1.000 ტონაზე მეტი ტექნიკური მარილი დაიყარა. რაც შეეხება საზოგადოებრივი ტრანსპორტის მოძრაობას, ამ ეტაპზე შეფერხებები ფიქსირდება ზოგიერთ მარშრუტზე, მათ შორის: პატარა ლილო, სოფელი ლისი, წყნეთი, წავკისი, შინდისი, ტაბახმელა, კოჯორი, კიკეთის მიმართულებით“, - ნათქვამია ინფორმაციაში.
„თბილსერვის ჯგუფში“ აცხადებენ, რომ თბილისში ტარდება ყველა საჭირო სამუშაო იმისთვის, რომ აღნიშნული შეფერხებები დროულად აღმოიფხვრას.
ამასთან, „თბილსერვის ჯგუფი“ მოუწოდებს მსუბუქი ავტომობილების მძღოლებს, გარდა მაღალი გამავლობის მქონე ავტომანქანებისა, რომ დროებით გადაადგილებისგან თავი შეიკავონ.
პრობლემის არსებობის შემთხვევაში, მოქალაქეებს შეუძლიათ დარეკონ „თბილსერვის ჯგუფის“ ცხელ ხაზზე – 2 61 90 50 ან თბილისის მერიის ცხელ ხაზზე – 2 72 22 22.
ყველა ახალი ამბავი
0