სუმო: ტოჩინოშინი მარტის ბაშოზე მესამედ დამარცხდა - ვიდეო

© AFP 2022 / BEHROUZ MEHRIლევან გორგაძე, იგივე ტოჩინოშინი
ლევან გორგაძე, იგივე ტოჩინოშინი - Sputnik საქართველო, 1920, 19.03.2022
გამოწერა
Yandex newsTelegram
ქართველი სუმოისტი ჰარუ ბაშოს მეშვიდე დღეს ჩიომარიუსთან დამარცხდა. ტოჩინოშინის შემდეგი მეტოქე იუტაკაიამა იქნება.
თბილისი, 19 მარტი - Sputnik. იაპონიის ქალაქ ოსაკაში მიმდინარე მარტის ბაშოზე ქართველი სუმოისტი ლევან გორგაძე, იგივე ტოჩინოშინი მესამედ დამარცხდა.
იაპონიაში 2022 წლის სუმოს მეორე სუპერტურნირი გრძელდება. მეშვიდე საჭიდაო დღეს ქართველი სუმოისტი, რომელიც ჰარუ ბაშოზე დასავლეთის მე-15 მაეგაშირას წოდებით ასპარეზობს, ჩიოტაირიუს (Chiyotairyu) დაუპირისპირდა და იორიკირის ილეთით დამარცხდა.
ამჟამად ქართველი სეკიტორის ანგარიშზე 4 გამარჯვება და 3 მარცხია. მისი შემდეგი მეტოქე სუპერტურნირის მე-8 დღეს მე-14 მაეგაშირა იუტაკაიამა იქნება, რომელსაც მიმდინარე ბაშოზე 3 მოგება და 4 მარცხი აქვს.
აღსანიშნავია, რომ ქართველი სუმოისტი იანვრის ბაშოზე დაფიქსირებული უარყოფითი ბალანსის მიუხედავად (7-8) უმაღლეს, მაკუუჩი დივიზიონში დარჩა, თუმცა ჰარუ ბაშოზე წარუმატებლობის შემთხვევაში ტოჩინოშინი ჯურიოში (ქვედა დივიზიონი) დაქვეითებას ვეღარ გადარჩება. ამისთვის ლევან გორგაძეს მიმდინარე სუპერტურნირზე მინიმუმ 8 გამარჯვება სჭირდება.
ყველა ახალი ამბავი
0