ვახტანგ გომელაური: ვერ გავთვალეთ, რომ ჟურნალისტებზე თავდასხმა მოხდებოდა

© Ministry of Internal Affairs of Georgiaსაქართველოს შინაგან საქმეთა მინისტრი ვახტანგ გომელაური
საქართველოს შინაგან საქმეთა მინისტრი ვახტანგ გომელაური - Sputnik საქართველო, 1920, 17.03.2022
გამოწერა
Yandex newsTelegram
შსს არ განიხილავდა ჟურნალისტებზე თავდასხმის შესაძლებლობას 2021 წლის 5 ივლისს, განაცხადა შინაგან საქმეთა მინისტრმა ვახტანგ გომელაურმა.
თბილისი, 17 მარტი – Sputnik. პოლიციის ძირითადი ძალები იყო ფილარმონიასთან, ხოლო ჟურნალისტებზე თავდასხმები სხვადასხვა ლოკაციაზე და სპონტანურად მოხდა, განაცხადა შინაგან საქმეთა მინისტრმა ვახტანგ გომელაურმა პარლამენტში „მინისტრის საათის“ ფარგლებში გამოსვლისას.
5 ივლისს ლგბტ-საზოგადოების მოწინააღმდეგეებმა თბილისში ჟურნალისტებზე ნამდვილი ნადირობა გამოაცხადეს, სასტიკად გაუსწორდნენ მათ.

„დაახლოებით 8 ლოკაციაზე იყო პოლიცია პატარ-პატარა ჯგუფებად გაშლილი... უმეტესობა გადასროლილი იყო ფილარმონიასთან, ვერის ბაღში და ა.შ. რომ იქ არ მომხდარიყო შეტაკება... სპონტანურად მოხდა რამდენიმე ადგილზე ჟურნალისტებზე თავდასხმა და ძალადობა... ძალიან ცუდი ფაქტი იყო, ნამდვილად არ გაგვითვლია, პირდაპირ ვამბობ, რომ ჟურნალისტებზე მოხდებოდა ზეწოლა და ფიზიკური ზეწოლა მით უმეტეს, ამას ნამდვილად ვერ წარმოვიდგენდით და არ განგვიხილია ეს ფაქტი. მე ღიად ვამბობ, არც თავს ვიმართლებ. მთელი აქცენტი იყო გადატანილი ლგბტ მიმართულებაზე, რომ იქ არ მომხდარიყო მათი ცემა”, – განაცხადა გომელაურმა პარლამენტში.

იმ დღეს დაშავდა მასმედიის 53 წარმომადგენელი – ჟურნალისტები, ოპერატორები, ფოტოგრაფები. ძალადობის ფაქტზე 27 ადამიანი დააკავეს. მათი უმრავლესობა გირაოთი გაათავისუფლეს და ისინი განაჩენს საპატიმროს გარეთ ელოდებიან.
ყველა ახალი ამბავი
0