მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

პოდოლიაკი: უკრაინა-რუსეთს შორის სამშვიდობო შეთანხმებას კვირა-ნახევარი დასჭირდება

© photo: Sputnik / BelTAუკრაინა-რუსეთის დელეგაციები მოლაპარაკებებზე
უკრაინა-რუსეთის დელეგაციები მოლაპარაკებებზე - Sputnik საქართველო, 1920, 17.03.2022
გამოწერა
Yandex newsTelegram
თბილისი, 17 მარტი — Sputnik. უკრაინასა და რუსეთს შორის სამშვიდობო ხელშეკრულების შეთანხმების პროცესი მიმდინარეობს, რაც, სავარაუდოდ, რამდენიმე დღე ან კვირა-ნახევარი გაგრძელდება, განაცხადა უკრაინის პრეზიდენტის აპარატის უფროსის მრჩეველმა, მოლაპარაკებაზე უკრაინული დელეგაციის წევრმა მიხაილ პოდოლიაკმა.
მისი თქმით, შეთანხმების ხელმოწერისას, შესაძლოა, ორი ქვეყნის პრეზიდენტების - ვოლოდიმირ ზელენსკისა და ვლადიმირ პუტინის შეხვედრა მოხდეს.

„ამჟამად რუსეთისა და უკრაინის დელეგაციები თავიანთ პოზიციებზე დგანან. სადავო პუნქტებზე შეთანხმებას შესაძლოა რამდენიმე დღიდან კვირა-ნახევრამდე ვადა დასჭირდეს. ამ დროის განმავლობაში ჩვენ უნდა მივუახლოვდეთ სამშვიდობო ხელშეკრულების შედგენას“, — აღნიშნა პოდოლიაკმა Wirtualna Polska-სთან ინტერვიუში.

მან აღნიშნა, რომ უკრაინის მხრიდან სამშვიდობო ხელშეკრულების ერთ-ერთი მთავარი ასპექტია „რუსული ჯარების დაუყოვნებლივ გაყვანა“.
„როგორც კი შეთანხმება დასრულდება, [ვლადიმირ პუტინისა და ვოლოდიმირ ზელენსკის] შეხვედრის ორგანიზებას შევუდგებით“, — განაცხადა პოდოლიაკმა.
ამასთან მან განმარტა, რომ პრეზიდენტების შეხვედრა ნებისმიერ ქვეყანაში შეიძლება მოხდეს, გარდა რუსეთისა.
ამ დროისათვის უკრაინულ და რუსულ დელეგაციებს შორის მოლაპარაკებათა მეხუთე რაუნდი მიმდინარეობს, რომელზეც ცეცხლის შეწყვეტის, უკრაინიდან რუსეთის ჯარების გაყვანისა და დარეგულირების ზოგადი საკითხები განიხილება. შეხვედრა ვიდეოფორმატში ტარდება. მანამდე ორი ქვეყნის დელეგაციების პირველი სამი შეხვედრა 28 თებერვალს, 3 მარტსა და 7 მარტს ბელარუსში გაიმართა, ხოლო 10 მარტს ანტალიაში მიმდინარე დიპლომატიური ფორუმის ფარგლებში ერთმანეთს უკრაინისა და რუსეთის საგარეო საქმეთა მინისტრები — დმიტრო კულება და სერგეი ლავროვი შეხვდნენ.
ყველა ახალი ამბავი
0