უკრაინელ ბავშვებს თბილისის საჯარო ბაღები უფასოდ მიიღებენ

© Pixabay / _Alicja_საბავშვო ბაღის აღსაზრდელები
საბავშვო ბაღის აღსაზრდელები - Sputnik საქართველო, 1920, 16.03.2022
გამოწერა
თბილისი, 16 მარტი — Sputnik. მომავალ კვირიდან თბილისის საბავშვო ბაღები უკრაინული ოჯახების ბავშვებს უფასოდ მიიღებენ, განაცხადა დედაქალაქის მერმა კახა კალაძემ დღეს მუნიციპალიტეტის მთავრობის სხდომაზე.
დაუზუსტებელი ინფორმაციით, 24 თებერვლიდან საქართველოს ტერიტორიაზე 4,1 ათასი უკრაინის მოქალაქე იმყოფება.

„საქართველოში ჩარჩენელი უკრაინის მოქალაქეები ბაგა-ბაღებში შვილების მიყვანას ყოველგვარი გადასახადების გარეშე შეძლებენ. ილია ელოშვილს მინდა დავავალო, რომ გაუწიოს ამ პროცესს კოორდინაცია. გქონდეთ ამ ოჯახებთან პირდაპირი კომუნიკაცია“, – განაცხადა კალაძემ.

მისი თქმით, დედაქალაქის მერია უკრაინული ოჯახების მხარდაჭერას იმ დრომდე გააგრძელებს, ვიდრე მათ ამის საჭიროება ექნებათ.
როგორც კალაძემ აღნიშნა, პრემიერ-მინისტრ ირაკლი ღარიბაშვილის დავალებით, საქართველოში მყოფი უკრაინის მოქალაქეები უზრუნველყოფილი არიან უფასო საცხოვრებლითა და კვების პროდუქტებით.
გარდა ამისა, თბილისის მერიის მხრიდან უკრაინელი მოქალაქეებისთვის ამოქმედებულია სხვადასხვა პროგრამები, მათ შორის საზოგადოებრივი ტრანსპორტით უფასო მგზავრობა და ა.შ.
რაც შეეხება უკრაინის დასახმარებლად შეგროვებულ თანხას, მერის თქმით, ამ დროისათვის 1.117 ათასი ლარია შეგროვებული.
ყველა ახალი ამბავი
0