„საქართველოს რკინიგზა“ შეიძლება რელსების გარეშე დარჩეს? კომპანიის განმარტება

© photo: Sputnikრკინიგზის ლიანდაგი
რკინიგზის ლიანდაგი - Sputnik საქართველო, 1920, 15.03.2022
გამოწერა
Yandex newsTelegram
დღეისათვის რელსების ჯამური რაოდენობის 65% კომპანიას „საქართველოს რკინიგზისთვის“ უკვე მოწოდებული აქვს.
თბილისი, 15 მარტი — Sputnik. ამ ეტაპზე არ არსებობს საფრთხე, რომ სს „საქართველოს რკინიგზა“ რელსების გარეშე დარჩება, ნათქვამია სააქციო საზოგადოების განცხადებაში.
ასეთი პასუხი გასცა „საქართველოს რკინიგზამ“ ერთ-ერთი ოპოზიციური ტელეკომპანიის მიერ გავრცელებულ ინფორმაციას, რომელშიც ნათქვამია, რომ კონტრაქტორ კომპანიას „უნი-2“-ს, რომელთანაც „საქართველოს რკინიგზამ“ გააფორმა შეთანხმება, რელსების მოწოდების უზრუნველყოფა არ შეუძლია. თავად კონტრაქტორი კომპანიის დირექტორის გიორგი ღუდუშაურის განცხადებით, პრობლემები ვალუტის გაუფასურებას და რუსულ ბაზარზე ფასების ზრდას უკავშირდება.

„მომწოდებელ კომპანიას რაიმე სახის შეტყობინება იმასთან დაკავშირებით, რომ სახელშეკრულებო ვალდებულებას ვერ ასრულებს, „საქართველოს რკინიგზაში“ არ გამოუგზავნია. ასეც რომ მოხდეს და მომწოდებელმა კომპანიამ დაარღვიოს ხელშეკრულების პირობები, ამოქმედდება საბანკო გარანტია და გამოცხადდება ახალი ტენდერი“, – ნათქვამია „საქართველოს რკინიგზის“ განცხადებაში.

როგორც განცხადებაშია აღნიშნული, ტენდერი შედგა და „საქართველოს რკინიგზამ“ კომპანია ,,უნი 2"-თან ხელშეკრულება 2021 წლის სექტემბრის დასაწყისში გააფორმა. დოკუმენტის თანახმად, შესასყიდად მოთხოვნილი პროდუქციის მოწოდება უნდა განხორციელდეს 450 დღის ვადაში. ტენდერი ორი წლის მარაგს ითვალისწინებს.
პროდუქციის მოწოდება გეგმის მიხედვით ხორციელდება. დღეისათვის რელსების ჯამური რაოდენობის 65% კომპანიას უკვე მოწოდებული აქვს, აღნიშნავენ „საქართველოს რკინიგზაში“.
ყველა ახალი ამბავი
0