საქართველოს საზღვართან ახლოს ორი მიწისძვრა მოხდა

CC BY-SA 2.0 / Ken Lund / Seismographsსეისმოგრაფი
სეისმოგრაფი - Sputnik საქართველო, 1920, 14.03.2022
გამოწერა
Yandex newsTelegram
მიწისძვრა გამთენიისას ჩეჩნეთში, საქართველოს სახელმწიფო საზღვრიდან 2 კილომეტრში მოხდა.
თბილისი, 14 მარტი – Sputnik. დღეს, გამთენიისას საქართველოს–რუსეთის საზღვართან ორი მიწისძვრა მოხდა.
მიწისქვეშა ბიძგები პირველად თბილისის დროით 05:15 საათზე, ჩეჩნეთში, საქართველოს სახელმწიფო საზღვრიდან 2 კილომეტრში დაფიქსირდა.
მიწისძვრის სიმძლავრე 4,7 მაგნიტუდას (6 კმ სიღრმეში) შეადგენდა, იუწყება დედამიწის შემსწავლელ მეცნიერებათა ინსტიტუტი, სეისმური მონიტორინგის ეროვნული ცენტრი.
დაახლოებით საათნახევრის შემდეგ მიწისძვრა კვლავ ჩეჩნეთის ტერიტორიაზე, საქართველოს საზღვრიდან რვა კილომეტრში დაფიქსირდა. ამჯერად სიმძლავრე 3,6 მაგნიტუდას შეადგენდა (8 კმ სიღრმეში).
ინფორმაცია მსხვერპლის ან ნგრევის შესახებ არ ვრცელდება.
ყველა ახალი ამბავი
0