პეკინში XIII ზამთრის პარალიმპიური თამაშები დახურულად გამოცხადდა

© photo: Sputnik / Grigoriy Syoevპარალიმპიური მოძრაობის, ჩინეთის და XXIV ოლიპიური თამაშების დროშები
პარალიმპიური მოძრაობის, ჩინეთის და XXIV ოლიპიური თამაშების დროშები - Sputnik საქართველო, 1920, 13.03.2022
გამოწერა
შემდეგი პარალიმპიური თამაშები მილანსა და კორტინა დ'ამპეცოში 2026 წლის 6-15 მარტს ჩატარდება
თბილისი, 13 მარტი – Sputnik. პეკინში XIII ზამთრის პარაოლიმპიური თამაშების დახურვის ცერემონია დასრულდა.
2 მარტს, რუსეთის მიერ უკრაინაში დაწყებული „სპეცოპერაციის“ გამო, საერთაშორისო პარალიმპიურმა კომიტეტმა (IPC) რუსეთისა და ბელარუსის ნაკრებებს უფლება მისცა, ნეიტრალური სტატუსით მიეღოთ მონაწილეობა პეკინის პარალიმპიურ თამაშებში. თუმცა, მეორე დღეს IPC-ის მმართველმა ორგანომ შეცვალა გადაწყვეტილება და უარი უთხრა რუს და ბელარუს სპორტსმენებს თამაშებში მონაწილეობაზე, რაც რამდენიმე გუნდის მხრიდან ბოიკოტის მუქარით ახსნა.
ცერემონიის დროს გაიმართა სპორტსმენების აღლუმი, რის შემდეგაც პარალიმპიური დროშა გადაეცა იტალიის მილანსა და კორტინა დ'ამპეცოს, რომლებიც შეჯიბრებას 2026 წელს უმასპინძლებენ. შემდეგ საერთაშორისო პარალიმპიური კომიტეტის (IPC) პრეზიდენტმა ენდრიუ პარსონსმა თამაშები დახურულად გამოაცხადა.
თამაშები 4 მარტს დაიწყო. ჩინელმა პარალიმპიელმა სპორტსმენებმა 18 ოქროს, 20 ვერცხლის და 23 ბრინჯაოს მედალი მოიპოვეს. მეორე ადგილი უკრაინის ნაკრებმა დაიკავა (11-10-8). მესამე ადგილი კანადელებმა დაიკავეს (8-6-11).
პარალიმპიური თამაშები მილანსა და კორტინა დ'ამპეცოში 2026 წლის 6-15 მარტს გაიმართება.
ყველა ახალი ამბავი
0