არ დატოვოთ გახსნილი პირადი კაბინეტი: თბილისში თაღლითი დააკავეს

© Sputnik / Alexander Imedashviliსწრაფი ჩარიცხვის აპარატი
სწრაფი ჩარიცხვის აპარატი - Sputnik საქართველო, 1920, 13.03.2022
გამოწერა
დანაშაული 5-დან 7 წლამდე ვადით თავისუფლების აღკვეთას ითვალისწინებს.
თბილისი, 13 მარტი - Sputnik. სამართალდამცველებმა ფინანსური სარგებლის მიღების მიზნით კომპიუტერული მონაცემის ან/და კომპიუტერული სისტემის ხელყოფის ბრალდებით თბილისში 35 წლის მამაკაცი დააკავეს.
შინაგან საქმეთა სამინისტროს ინფორმაციით, ბრალდებული მიმდინარე წლის იანვარ-თებერვლის პერიოდში თბილისში, სხვადასხვა მისამართზე მდებარე ერთ-ერთი ბანკის კუთვნილი სწრაფი ჩარიცხვის აპარატების სიახლოვეს მყოფთ აკვირდებოდა და იმახსოვრებდა მოქალაქეების მიერ გამოყენებული პლასტიკური ბარათის პინ-კოდებს.
„შემდეგ ბრალდებული გახსნილ მდგომარეობაში დარჩენილი ჩარიცხვის გვერდის გამოყენებით მოქალაქეების კუთვნილი ანგარიშებიდან თანხებს საკუთარ ონლაინ კაზინოს და ტოტალიზატორის ანგარიშებზე რიცხავდა, ფულს კი სპეციალური „ზერო“ ბარათის გამოყენებით ანაღდებდა", - აღნიშნულია ინფორმაციაში.
უწყების ცნობით, დანაშაულებრივი ქმედებებით დაზარალებულ 14 მოქალაქეს 5 ათას ლარზე მეტი ოდენობის ქონებრივი ზიანი მიადგა.
ბრალდებული მოსამართლის განჩინების საფუძველზე დააკავეს.
გამოძიება ფინანსური სარგებლის მიღების მიზნით კომპიუტერული მონაცემის ან/და კომპიუტერული სისტემის ხელყოფის ფაქტზე საქართველოს სსკ-ის 286-ე მუხლით მიმდინარეობს.
წყარო - შსს-ს პრეს-სამსახური
ყველა ახალი ამბავი
0