ვითარება საქართველოს გზებზე: შეზღუდვების ნაწილი მოხსნილია

© Facebook / Roads Department of Georgiaგაწმენდითი სამუშაოები გზებზე
გაწმენდითი სამუშაოები გზებზე - Sputnik საქართველო, 1920, 12.03.2022
გამოწერა
უამინდობის გამო საქართველოს გზებზე შეზღუდვები გუშინ დაწესდა.
თბილისი, 12 მარტი – Sputnik. ინტენსიური გაწმენდითი სამუშაოების შედეგად საქართველოს გზების გარკვეულ ნაწილზე შეზღუდვები მოიხსნა, იუწყება საავტომობილო გზების დეპარტამენტი.
კერძოდ, საერთაშორისო მნიშვნელობის თბილისი–სენაკი–ლესელიძის საავტომობილო გზაზე მისაბმელიანი და ნახევრადმისაბმელიანი ავტოტრანსპორტის მოძრაობა აღდგენილია.
მსუბუქი ავტოტრანსპორტის მოძრაობა აღდგენილია ქუთაისი-ტყიბული-ამბროლაურის საავტომობილო გზის 39-62-ე კმ (ნაქერალას უღელტეხილი) მონაკვეთზეც.
ამავე მონაკვეთზე თოვის გამო აკრძალულია მისაბმელიანი და ნახევრადმისაბმელიანი ავტოტრანსპორტის გადაადგილება. გზის დანარჩენ მონაკვეთებზე ავტოტრანსპორტის მოძრაობა თავისუფალია
ასევე, მისაბმელიანი და ნახევრადმისაბმელიანი ავტოტრანსპორტის მოძრაობა აღდგენილია საერთაშორისო მნიშვნელობის ახალქალაქი-კარწახის საავტომობილო გზაზეც.
გარდა ამისა, საერთაშორისო მნიშვნელობის თბილისის შემოსავლელ საავტომობილო გზაზე ავტოტრანსპორტის მოძრაობა თავისუფალია.
საქართველოს გზებზე შეზღუდვები გუშინ ძლიერი თოვისა და ქარის გამო დაწესდა.
წყარო - საავტომობილო გზების დეპარტამენტი.
ყველა ახალი ამბავი
0