თბილისში იბრაგიმბეკოვის გარდაცვალების გამო მწუხარება გამოთქვეს

© photo: Sputnik / Vladimir Astapkovich / გადასვლა მედიაბანკშირუსტამ იბრაგიმბეკოვი
რუსტამ იბრაგიმბეკოვი - Sputnik საქართველო, 1920, 12.03.2022
გამოწერა
მოსკოვში 84 წლის ასაკში გარდაიცვალა საკულტო ფილმის „უდაბნოს თეთრი მზე" სცენარის ავტორი რუსტამ იბრაგიმბეკოვი.
თბილისი, 12 მარტი – Sputnik. გამოჩენილი მწერლისა და დრამატურგის, რუსტამ იბრაგიმბეკოვის გარდაცვალებას უზარმაზარი დანაკლისი უწოდეს გრიბოედოვის სახელობის თბილისის რუსულ დრამატულ თეატრში.
მოსკოვში 84 წლის ასაკში გარდაიცვალა გამოჩენილი მწერალი და დრამატურგი, საკულტო ფილმის „უდაბნოს თეთრი მზე“ სცენარის ავტორი რუსტამ იბრაგიმბეკოვი. ცნობილი სცენარისტი ხანგრძლივი ავადმყოფობის შემდეგ გარდაიცვალა. მას თავის სამშობლოში, აზერბაიჯანში დაკრძალავენ.
„დავსტირით ჩვენს მეგობარს, ადამიანს, რომელსაც ყოველთვის გულწრფელად უყვარდა საქართველო. საქართველოც მას სიყვარულითვე პასუხობდა. ერთხელ მან თქვა: „ყველაფერს გავაკეთებ, რომ აზერბაიჯანმა და საქართველომ უფრო ძლიერად იმეგობრონ. ამას გპირდებით“, - წერს გრიბოედოვის თეატრის ლიტერატურული ნაწილის ხელმძღვანელი ნინა შადური-ზარდალიშვილი.
© photo: Sputnik / Владимир Вяткинრუსტამ იბრაგიმბეკოვი
Драматург Азербайджанской ССР Рустам Ибрагимбеков - Sputnik საქართველო, 1920, 12.03.2022
რუსტამ იბრაგიმბეკოვი
რუსტამ იბრაგიმბეკოვმა თავისი სიტყვა შეასრულა, აღნიშნავენ გრიბოედოვის თეატრში.
„მთელი ცხოვრების განმავლობაში ის იყო ერთ-ერთი ძლიერი კულტურული რგოლი, რომელიც აკავშირებდა ჩვენს ქვეყნებს - უფრო მყარად და საიმედოდ ვიდრე ნებისმიერი სახელმწიფო ხელშეკრულება. ახლა კი ის წავიდა... ჩვენ მხოლოდ ის დაგვრჩენია, რომ გვიყვარდეს და გვახსოვდეს. და ვიმეგობროთ - ისევე ძლიერად და საიმედოდ, მათ შორის, იბრაგიმბეკოვის ხსოვნის უკვდავსაყოფად", - აღნიშნავენ თეატრში.
რუსტამ იბრაგიმბეკოვი ბაქოში დაიბადა. პოპულარობა მოიპოვა მას შემდეგ, რაც ვალენტინ ეჟოვთან თანაავტორობით დაწერა სცენარი ფილმისთვის „უდაბნოს თეთრი მზე“ (Белое солнце пустыни). ამ ფილმში ერთ-ერთი მთავარი როლი შეასრულა ლეგენდარულმა ქართველმა მსახიობმა კახი კავსაძემ (აბდულა). დიდ ეკრანებზე გამოსვლის შემდეგ ფილმი ძალიან პოპულარული გახდა.
© photo: Sputnik / Vladimir Vyatkinრუსტამ იბრაგიმბეკოვი
Автор сценария фильма Белое солнце пустыни Рустам Мамед Ибрагим оглы Ибрагимбеков  - Sputnik საქართველო, 1920, 12.03.2022
რუსტამ იბრაგიმბეკოვი
იბრაგიმბეკოვი არის 40-ზე მეტი მხატვრული და სატელევიზიო ფილმის სცენარის ავტორი. მისი თითქმის ყველა ლიტერატურული ნაწარმოების მიხედვით ფილმი გადაიღეს.
რუსტამ იბრაგიმბეკოვი არის აზერბაიჯანის სახალხო მწერალი (1998), აზერბაიჯანის (1976) და რუსეთის ფედერაციის დამსახურებული არტისტი (1995), რუსეთის (1993, 1996, 1998, 2000), სსრკ (1981) და აზერბაიჯანის (1980) სახელმწიფო პრემიების ლაურეატი, პროფესორი.
ყველა ახალი ამბავი
0