თბილისის გარეუბნებში გზები თოვლისგან იწმინდება

© photo: Sputnik / Stringerგზის გაწმენდა
გზის გაწმენდა - Sputnik საქართველო, 1920, 12.03.2022
გამოწერა
უხვმა ნალექმა პრობლემები შექმნა როგორც თბილისის გარეუბნებში, ისე მთელი საქართველოს მასშტაბით
თბილისი, 12 მარტი – Sputnik. დედაქალაქში მოსული ნალექისა და დაბალი ტემპერატურის გამო „თბილსერვის ჯგუფი“ გზების გაწმენდის სამუშაოებს აწარმოებს.
გავრცელებული ინფორმაციის თანახმად, ორთაჭალაში და ლილოში, ასევე, დედაქალაქის შემოერთებულ ტერიტორიებზე ტაბახმელაში, კოჯორში, შინდისში, კიკეთში, სამადლოში, წყნეთში, წავკისში, ბეთანიაში, ახალდაბაში, დიდგორში, სოფელ თელოვანში 1.500 ტონა ტექნიკური მარილი დაიყარა.
გზების გაწმენდის სამუშაოებში ჩართულია შპს „თბილსერვის ჯგუფის“ 200-ზე მეტი თანამშრომელი და 40 ერთეული ახალი სპეცტექნიკა, რომელიც „თბილსერვის ჯგუფმა“ გასულ თვეებში შეისყიდა. გაწმენდით სამუშაოებს ადგილზე გაეცნო კომპანიის დირექტორი დავით ფაჩულია.
„აღნიშნული სამუშაოები საჭიროებისამებრ, ტრანსპორტის შეუფერხებლად გადაადგილების მიზნით გაგრძელდება. პრობლემის არსებობის შემთხვევაში დაგვიკავშირდით როგორც „თბილსერვის ჯგუფის“, ისე მერიის ცხელ ხაზებზე“, – აღნიშნულია „თბილსერვის ჯგუფის“ ინფორმაციაში.
სინოპტიკოსების პროგნოზით, თბილისში უამინდობა კვირის ბოლომდე შენარჩუნდება.
წყარო - „თბილსერვის ჯგუფი“
ყველა ახალი ამბავი
0