პროსტიტუციის ხელშეწყობის ბრალდებით თბილისში 4 ადამიანი დააკავეს

© photo: Sputnikდაკავება
დაკავება - Sputnik საქართველო, 1920, 12.03.2022
გამოწერა
Yandex newsTelegram
დაკავებულებს ბრალის დამტკიცების შემთხვევაში 7 წლამდე პატიმრობა ემუქრებათ.
თბილისი, 12 მარტი – Sputnik. სამართალდამცველებმა პროსტიტუციის ხელშეწყობის ბრალდებით ოთხი პირი დააკავეს. ინფორმაციას შსს ავრცელებს.
უწყების ინფორმაციით, სამ პირს წინასწარი შეთანხმებით ჯგუფის მიერ პროსტიტუციის არაერთგზის ხელშეწყობაში ედება ბრალი, ხოლო ერთი პირი პროსტიტუციისათვის ადგილის ან საცხოვრებლის გადაცემაშია ბრალდებული.
როგორც გამოძიებით დადგინდა, დაკავებულები გარკვეული თანხის სანაცვლოდ სისტემატურად ხელს უწყობდნენ პროსტიტუციაში ჩაბმულ ქალებს და უზრუნველყოფდნენ მათ ტრანსპორტით გადაადგილებას სექსუალური მომსახურეობის მიღების მსურველ კლიენტებთან.
რაც შეეხება მეოთხე ბრალდებულს, გამოძიებამ დაადგინა, რომ იგი თბილისის ერთ-ერთ სასტუმროში ადმინისტრატორად მუშაობდა და აღნიშნული სასტუმროს ნომრებს პროსტიტუციისთვის გადასცემდა, რისთვისაც პროსტიტუციაში ჩაბმული ქალები მას სექსუალური მომსახურეობის გაწევით მიღებული ანაზღაურებიდან გარკვეულ თანხას უხდიდნენ.
გამოძიება საქართველოს სსკ-ის 254-ე მუხლით მიმდინარეობს. დანაშაული 4-დან 7 წლამდე ვადით თავისუფლების აღკვეთას ითვალისწინებს.
წყარო - შინაგან საქმეთა სამინისტროს პრეს-სამსახური
ყველა ახალი ამბავი
0