გარდაიცვალა ცნობილი სცენარისტი რუსტამ იბრაგიმბეკოვი

© photo: Sputnik / Vladimir Vyatkinრუსტამ იბრაგიმბეკოვი
რუსტამ იბრაგიმბეკოვი - Sputnik საქართველო, 1920, 12.03.2022
გამოწერა
Yandex newsTelegram
ცნობილი სცენარისტი ხანგრძლივი ავადმყოფობის შემდეგ გარდაიცვალა. მას აზერბაიჯანში დაკრძალავენ
თბილისი, 12 მარტი – Sputnik. მოსკოვში 84 წლის ასაკში გარდაიცვალა გამოჩენილი მწერალი და დრამატურგი, საკულტო ფილმის „უდაბნოს თეთრი მზე“ სცენარის ავტორი რუსტამ იბრაგიმბეკოვი, იუწყება РИА Новости აზერბაიჯანის კინემატოგრაფისტთა კავშირზე დაყრდნობით.
ცნობილი სცენარისტი ხანგრძლივი ავადმყოფობის შემდეგ გარდაიცვალა.
„იბრაგიმბეკოვს აზერბაიჯანში დაკრძალავენ“, - განაცხადეს კავშირში.
© photo: Sputnik / Владимир Вяткинრუსტამ იბრაგიმბეკოვი
Драматург Азербайджанской ССР Рустам Ибрагимбеков - Sputnik საქართველო, 1920, 12.03.2022
რუსტამ იბრაგიმბეკოვი
რუსტამ იბრაგიმბეკოვი ბაქოში დაიბადა. პოპულარობა მოიპოვა მას შემდეგ, რაც ვალენტინ ეჟოვთან თანაავტორობით დაწერა სცენარი ფილმისთვის „უდაბნოს თეთრი მზე“ (Белое солнце пустыни). ამ ფილმში ერთ-ერთი მთავარი როლი შეასრულა ლეგენდარულმა ქართველმა მსახიობმა კახი კავსაძემ (აბდულა). დიდ ეკრანებზე გამოსვლის შემდეგ ფილმი ძალიან პოპულარული გახდა.
იბრაგიმბეკოვი არის 40-ზე მეტი მხატვრული და სატელევიზიო ფილმის სცენარის ავტორი. მისი თითქმის ყველა ლიტერატურული ნაწარმოების მიხედვით ფილმი გადაიღეს.
რუსტამ იბრაგიმბეკოვი არის აზერბაიჯანის სახალხო მწერალი (1998), აზერბაიჯანის (1976) და რუსეთის ფედერაციის დამსახურებული არტისტი (1995), რუსეთის (1993, 1996, 1998, 2000), სსრკ (1981) და აზერბაიჯანის (1980) სახელმწიფო პრემიების ლაურეატი, პროფესორი.
წყარო - РИА Новости
ყველა ახალი ამბავი
0