ზუგდიდში 34 დევნილ ოჯახს ბინები გადაეცა

© photo: Sputnik / Stringerზუგდიდი
ზუგდიდი - Sputnik საქართველო, 1920, 11.03.2022
გამოწერა
მთავრობა 2022-2024 წლებში ახალი საცხოვრებლით 13 ათასი დევნილი ოჯახის დაკმაყოფილებას გეგმავს.
თბილისი, 11 მარტი – Sputnik. ზუგდიდის მუნიციპალიტეტში საცხოვრებელი ფართი 34 დევნილ ოჯახს გადაეცა, იუწყება დევნილთა, ეკომიგრანტთა და საარსებო წყაროებით უზრუნველყოფის სააგენტო.
ახლადაშენებულ საცხოვრებელ კორპუსებში ბინების გადანაწილება კენჭისყრის პრინციპით მოხდა. ღონისძიებას დევნილთა, ეკომიგრანტთა და საარსებო წყაროებით უზრუნველყოფის სააგენტოს დირექტორი ჯაბა სირბილაძე და ზუგდიდის მუნიციპალიტეტის მერი მამუკა წოწერია ესწრებოდნენ.
„ბოლო წლების განმავლობაში ზუგდიდის მუნიციპალიტეტში დევნილების განსახლების მიზნით მასშტაბური სამუშაოები განხორციელდა და ამ ეტაპზე ახალი საცხოვრებელი ფართით 1.344 ოჯახია დაკმაყოფილებული. დევნილთა ბინებით დაკმაყოფილების პროცესი მომავალშიც გაგრძელდება“, – განაცხადა სირბილაძემ.
მთავრობა 2022-2024 წლებში ახალი საცხოვრებლით 13 ათასი დევნილი ოჯახის დაკმაყოფილებას გეგმავს.
გასაღები - Sputnik საქართველო, 1920, 10.03.2022
ყოფილ სანატორიუმ „ქართლში“ მცხოვრები დევნილები ბინებით დაკმაყოფილდებიან
საქართველოში იძულებით გადაადგილებულ პირთა საცხოვრებელი ფართით უზრუნველყოფის ოთხი ვარიანტი მოქმედებს — სახელმწიფო დევნილებისთვის ბინებს ყიდულობს; მათთვის მრავალბინიან საცხოვრებელ სახლებს აშენებს; თუ დევნილის მიერ დაკავებული საცხოვრებელი ფართი ადგილობრივ ან სახელმწიფო ბალანსზეა, მაშინ სახელმწიფო მათ აღნიშნულ ფართს უკანონებს; თუ დევნილები ცხოვრობენ შენობაში, რომელიც კერძო საკუთრებას წარმოადგენს, მაშინ სახელმწიფო მესაკუთრისგან ფართის გამოსყიდვას აწარმოებს და დევნილებს გადასცემს.
დღევანდელი მდგომარეობით, საქართველოში ცენტრალური ხელისუფლების მიერ არაკონტროლირებადი ტერიტორიებიდან — აფხაზეთიდან და ცხინვალის რეგიონიდან 273,4 ათასი იძულებით გადაადგილებული პირია – 88,7 ათასზე მეტი ოჯახი.
ყველა ახალი ამბავი
0