კრემლში რუსეთისა და უკრაინის პრეზიდენტების შეხვედრას არ გამორიცხავენ

© photo: Sputnik / Aleksey Mayhevმოსკოვის კრემლი
მოსკოვის კრემლი - Sputnik საქართველო, 1920, 11.03.2022
გამოწერა
Yandex newsTelegram
თბილისი, 11 მარტი — Sputnik. კრემლი არ გამორიცხავს რუსეთისა და უკრაინის პრეზიდენტების ვლადიმირ პუტინისა და ვოლოდიმირ ზელენსკის შეხვედრას, განაცხადა რუსეთის მეთაურის პრეს-მდივანმა დმიტრი პესკოვმა.
მისი აზრით, ორი ლიდერის შეხვედრა შესაძლოა „უახლოეს მომავალში“ მოხდეს. ამასთან, როგორც პესკოვმა განმარტა, ეს შეხვედრა ისე უნდა მომზადდეს, რომ შედეგი მოიტანოს.

„არავინ გამორიცხავს პუტინისა და ზელენსკის შეხვედრის შესაძლებლობას. დიახ, ეს კონცეპტუალურად მართლაც არის შესაძლებელი, მაგრამ ჯერ დელეგაციებმაც და მინისტრებმაც უნდა შეასრულონ სამუშაოს თავიანთი ნაწილი, რათა პრეზიდენტები უბრალოდ პროცესისა და ლაპარაკისთვის კი არა, შედეგისთვის შეხვდნენ ერთმანეთს“, — აღნიშნა პესკოვმა.

რუსეთის პრეზიდენტმა ვლადიმირ პუტინმა, დონეცკისა და ლუგანსკის მოთხოვნის პასუხად, ეღიარებინა მათი სუვერენიტეტი, 21 თებერვალს ხელი მოაწერა შესაბამის ბრძანებულებებს, ხოლო 24 თებერვალს „სპეციალური სამხედრო ოპერაცია“ დაიწყო „უკრაინის დემილიტარიზაციისა და დენაციფიკაციის“ მიზნით.
რუსეთ–უკრაინის შეიარაღებული კონფლიქტის დარეგულირების მიზნით მხარეთა დელეგაციებს შორის უკვე გაიმართა მოლაპარაკებების სამი რაუნდი და საგარეო საქმეთა მინისტრების შეხვედრაც, მაგრამ ამ შეხვედრებს რაიმე ხელშესახები შედეგი ჯერ არ მოჰყოლია.
ყველა ახალი ამბავი
0