მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

„ვფიქრობ, არა“: მაკრონი უკრაინის ევროკავშირში მიღების პროცედურის დაწყების შესაძლებლობაზე

© AP Photo / Roman Koksarovემანუელ მაკრონი
ემანუელ მაკრონი - Sputnik საქართველო, 1920, 10.03.2022
გამოწერა
მაკრონმა უპასუხა კითხვას, არის თუ არა შესაძლებელი ევროკავშირში იმ ქვეყნის მიღების პროცედურის დაწყება, სადაც „სპეცოპერაცია“ მიმდინარეობს
თბილისი, 10 მარტი – Sputnik. საფრანგეთის პრეზიდენტმა ემანუელ მაკრონმა განაცხადა, რომ ამ დროისთვის უკრაინის ევროკავშირში მიღების პროცედურის დაწყება შეუძლებლად მიაჩნია.
„ჩვენ დღეს საღამოს განვიხილავთ უკრაინის, მოლდოვისა და საქართველოს ოფიციალურ განაცხადებს ევროკავშირში გაწევრიანებაზე, ეს ძალიან მნიშვნელოვანია. ვფიქრობ, რომ ამ ქვეყნებს, და განსაკუთრებით უკრაინას და უკრაინელებს ამ წუთას სჭირდებათ ძლიერი სიგნალის გაგზავნა... მაგრამ ამასთან ერთად, ჩვენ ფრთხილად უნდა ვიყოთ. შეგვიძლია კი ევროკავშირში გაწევრიანების პროცესის დაწყება ომის პირობებში მყოფი ქვეყნისთვის? ვფიქრობ, რომ არა“, - განუცხადა მაკრონმა ჟურნალისტებს ვერსალში ევროკავშირის ლიდერების სამიტის დაწყებამდე.
საფრანგეთის პრეზიდენტმა ხაზგასმით აღნიშნა: „უნდა დავუხუროთ კარები და ვუთხრათ: „არასდროს?“ ეს არასამართლიანი იქნებოდა. უნდა დავივიწყოთ რეგიონული ბალანსი? აქაც ყურადღებით უნდა ვიყოთ“.
რუსეთის პრეზიდენტმა ვლადიმირ პუტინმა, დონეცკისა და ლუგანსკის მოთხოვნის პასუხად, ეღიარებინა მათი სუვერენიტეტი, 21 თებერვალს ხელი მოაწერა შესაბამის ბრძანებულებებს, ხოლო 24 თებერვალს „სპეციალური სამხედრო ოპერაცია“ დაიწყო „უკრაინის დემილიტარიზაციისა და დენაციფიკაციის“ მიზნით.
ამის პასუხად დასავლეთის ქვეყნებმა ახალი მკაცრი სანქციები დაუწესეს რუსეთს. სანქციების სიაში მოხვდნენ ქვეყნის უმსხვილესი ბანკები, სახელმწიფო კომპანიები, უმაღლესი თანამდებობის პირები და ა.შ. ამასთან გერმანიამ „ჩრდილოეთი ნაკადი-2“-ის სერტიფიკაციის პროცესი შეაჩერა, მსოფლიოს მრავალმა ქვეყანამ რუსეთის თვითმფრინავებს ცა ჩაუკეტა, ხოლო უცხოური კომპანიები მასიურად აჩერებენ მუშაობას რუსეთში. ამ ყველაფერზე პასუხად რუსეთის პრეზიდენტმა ვლადიმირ პუტინმა არამეგობარი ქვეყნების ახალი სია დაამტკიცა, რომელშიც მსოფლიოს 48 ქვეყანაა შესული.
ყველა ახალი ამბავი
0