https://sputnik-georgia.com/20220306/soflis-meurneobis-saministrom-rusetsi-rzis-nawarmis-eqsportis-sesaxeb-setanxmeba-ganmarta-265015330.html
ქართული რძის ნაწარმის ექსპორტი რუსეთში: სოფლის მეურნეობის სამინისტროს განმარტება
ქართული რძის ნაწარმის ექსპორტი რუსეთში: სოფლის მეურნეობის სამინისტროს განმარტება
Sputnik საქართველო
შაბათს ცნობილი გახდა, რომ „როსსელხოზნადზორმა“ საქართველოდან რძისა და რძის პროდუქტების მომწოდებლების სიის გაფართოება გადაწყვიტა.
2022-03-06T16:30+0400
2022-03-06T16:30+0400
2022-03-06T16:30+0400
ახალი ამბები
საქართველო
საზოგადოება
საქართველოს ეკონომიკა
საქართველოს სოფლის მეურნეობა
https://cdnn1.img.sputnik-georgia.com/img/23942/50/239425054_0:183:2993:1866_1920x0_80_0_0_a42d294819cd3ed2c32a0ff375469a53.jpg
თბილისი, 6 მარტი – Sputnik. ქართული რძისა და რძის პროდუქტების რუსულ ბაზარზე გატანაზე მოლაპარაკებები 2020 წლიდან მიმდინარეობს და ახლახან დასრულდა, ნათქვამია საქართველოს სოფლის მეურნეობის სამინისტროს სურსათის ეროვნული სააგენტოს განცხადებაში.ოპოზიციამ მკვეთრად გააკრიტიკა საქართველოს ხელისუფლება იმის გამო, რომ რუსეთის წინააღმდეგ დასავლური სანქციების ფონზე ქართული მხარე ამ ქვეყანაში ექსპორტის გაფართოებას გეგმავს. დასავლეთმა სანქციების გამკაცრება მას შემდეგ დაიწყო, რაც რუსეთმა უკრაინაში სამხედრო სპეცოპერაცია წამოიწყო.სურსათის ეროვნული სააგენტო აღნიშნავს, რომ მოლაპარაკებებს აწარმოებს არაერთ ქვეყანასთან, მათ შორის, ერთი კვირის წინ წარმატებით დასრულდა მოლაპარაკებები საუდის არაბეთთან.„2020 წლიდან მოლაპარაკებები მიმდინარეობდა რუსეთის ფედერაციის მხარესთანაც, რომლის საფუძველზე მიღებულ იქნა გადაწყვეტილება, ქართული ცხოველური წარმოშობის პროდუქციის ექსპორტის დაშვებასთან დაკავშირებით რუსეთის ფედერაციასა და სხვა ქვეყნებში“, - ნათქვამია განცხადებაში.ამავდროულად, ევროკავშირთან ასოცირების შეთანხმების ფარგლებში ინტენსიურად მიმდინარეობს მუშაობა სტანდარტებისა და რეგულაციების დანერგვასთან დაკავშირებით, რათა ქართული ცხოველური წარმოშობის პროდუქტების ექსპორტი შესაძლებელი გახდეს ევროკავშირის ქვეყნებში.იქვე აღნიშნულია, რომ ცხოველური წარმოშობის პროდუქციისთვის ბაზრების დივერსიფიკაციის მიზნით ევროკავშირის ბაზარზე 2016 წლის დეკემბრიდან დაშვებულია ქართული თაფლის ექსპორტი. სააგენტოში აღნიშნეს, რომ 2021 წელს ევროპაში უპრეცედენტო რაოდენობის ქართული თაფლია გატანილი.ქართული საწარმოები რუსეთში რძისა და რძის ნაწარმის მიწოდებას შეძლებენ >>შაბათს ცნობილი გახდა, რომ „როსსელხოზნადზორმა“ საქართველოდან რძისა და რძის პროდუქტების მომწოდებლების სიის გაფართოება გადაწყვიტა. საუბარია 15 ქართულ საწარმოზე, რომელთა ვინაობა არ ზუსტდება.როგორც „როსსელხოზნადზორის“ განცხადებაშია აღნიშნული, მოლაპარაკებები 5 მარტს გაიმართა. მასში საქართველოს, ბელარუსისა და აზერბაიჯანის წარმომადგენლები მონაწილეობდნენ. საქართველოს სახელით მოლაპარაკებებში სურსათის ეროვნული სააგენტოს დირექტორი ზურაბ ჩეკურაშვილი მონაწილეობდა.დღეს რუსეთი საქართველოს ერთ-ერთი მთავარი სავაჭრო პარტნიორია. საქართველოსა და რუსეთს შორის სავაჭრო ბრუნვა 2021 წელს 2020 წელთან შედარებით 23,2%-ით გაიზარდა და 1,6 მილიარდი დოლარი შეადგინა.გასულ წელს საქართველოდან რუსეთის ფედერაციაში ექსპორტირებულია 107,4 ათასი ტონა მინერალური და სასმელი წყალი, 105 ათას ტონამდე ფეროშენადნობი, 38,4 ათასი ტონა ნატურალური ყურძნის ღვინო და დაახლოებით 25 ათასი ტონა ხილი და ა.შ.წყარო - სურსათის ეროვნული სააგენტო
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2022
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
რძე ნაწარმი ექსპორტი რუსეთი სოფლის მეურნეობის სამინისტრო განმარტება
რძე ნაწარმი ექსპორტი რუსეთი სოფლის მეურნეობის სამინისტრო განმარტება
ქართული რძის ნაწარმის ექსპორტი რუსეთში: სოფლის მეურნეობის სამინისტროს განმარტება
შაბათს ცნობილი გახდა, რომ „როსსელხოზნადზორმა“ საქართველოდან რძისა და რძის პროდუქტების მომწოდებლების სიის გაფართოება გადაწყვიტა.
თბილისი, 6 მარტი – Sputnik. ქართული რძისა და რძის პროდუქტების რუსულ ბაზარზე გატანაზე მოლაპარაკებები 2020 წლიდან მიმდინარეობს და ახლახან დასრულდა, ნათქვამია საქართველოს სოფლის მეურნეობის სამინისტროს სურსათის ეროვნული სააგენტოს განცხადებაში.
ოპოზიციამ მკვეთრად გააკრიტიკა საქართველოს ხელისუფლება იმის გამო, რომ რუსეთის წინააღმდეგ დასავლური სანქციების ფონზე ქართული მხარე ამ ქვეყანაში ექსპორტის გაფართოებას გეგმავს. დასავლეთმა სანქციების გამკაცრება მას შემდეგ დაიწყო, რაც რუსეთმა უკრაინაში სამხედრო სპეცოპერაცია წამოიწყო.
„ქართული აგრარული პროდუქციის მსოფლიო ბაზრებზე ექსპორტის გაზრდის უზრუნველსაყოფად აქტიური მუშაობა მრავალი წელია მიმდინარეობს. აღნიშნულ პროცესში ჩართულია როგორც შესაბამისი სახელმწიფო სტრუქტურები, ისე ცნობილი საერთაშორისო მარკეტინგული კომპანიები. მუშაობა მიმდინარეობს ქართული ცხოველური წარმოშობის პროდუქციის ექსპორტის ზრდის მიმართულებითაც“, - ნათქვამია განცხადებაში.
სურსათის ეროვნული სააგენტო აღნიშნავს, რომ მოლაპარაკებებს აწარმოებს არაერთ ქვეყანასთან, მათ შორის, ერთი კვირის წინ წარმატებით დასრულდა მოლაპარაკებები საუდის არაბეთთან.
„2020 წლიდან მოლაპარაკებები მიმდინარეობდა რუსეთის ფედერაციის მხარესთანაც, რომლის საფუძველზე მიღებულ იქნა გადაწყვეტილება, ქართული ცხოველური წარმოშობის პროდუქციის ექსპორტის დაშვებასთან დაკავშირებით რუსეთის ფედერაციასა და სხვა ქვეყნებში“, - ნათქვამია განცხადებაში.
ამავდროულად, ევროკავშირთან ასოცირების შეთანხმების ფარგლებში ინტენსიურად მიმდინარეობს მუშაობა სტანდარტებისა და რეგულაციების დანერგვასთან დაკავშირებით, რათა ქართული ცხოველური წარმოშობის პროდუქტების ექსპორტი შესაძლებელი გახდეს ევროკავშირის ქვეყნებში.
იქვე აღნიშნულია, რომ ცხოველური წარმოშობის პროდუქციისთვის ბაზრების დივერსიფიკაციის მიზნით ევროკავშირის ბაზარზე 2016 წლის დეკემბრიდან დაშვებულია ქართული თაფლის ექსპორტი. სააგენტოში აღნიშნეს, რომ 2021 წელს ევროპაში უპრეცედენტო რაოდენობის ქართული თაფლია გატანილი.
შაბათს ცნობილი გახდა, რომ „როსსელხოზნადზორმა“ საქართველოდან რძისა და რძის პროდუქტების მომწოდებლების სიის გაფართოება გადაწყვიტა. საუბარია 15 ქართულ საწარმოზე, რომელთა ვინაობა არ ზუსტდება.
როგორც „როსსელხოზნადზორის“ განცხადებაშია აღნიშნული, მოლაპარაკებები 5 მარტს გაიმართა. მასში საქართველოს, ბელარუსისა და აზერბაიჯანის წარმომადგენლები მონაწილეობდნენ. საქართველოს სახელით მოლაპარაკებებში სურსათის ეროვნული სააგენტოს დირექტორი ზურაბ ჩეკურაშვილი მონაწილეობდა.
დღეს რუსეთი საქართველოს ერთ-ერთი მთავარი სავაჭრო პარტნიორია. საქართველოსა და რუსეთს შორის სავაჭრო ბრუნვა 2021 წელს 2020 წელთან შედარებით 23,2%-ით გაიზარდა და 1,6 მილიარდი დოლარი შეადგინა.
გასულ წელს საქართველოდან რუსეთის ფედერაციაში ექსპორტირებულია 107,4 ათასი ტონა მინერალური და სასმელი წყალი, 105 ათას ტონამდე ფეროშენადნობი, 38,4 ათასი ტონა ნატურალური ყურძნის ღვინო და დაახლოებით 25 ათასი ტონა ხილი და ა.შ.
