Silknet-მა რუსული ტელეარხები გათიშა

© photo: Sputnik / Artem Kirinyuk / ფოტობანკში გადასვლატელევიზორის პულტი
ტელევიზორის პულტი - Sputnik საქართველო, 1920, 28.02.2022
გამოწერა
Yandex newsTelegram
საქართველოს კომუნიკაციების ეროვნულ კომისიას არ აუკრძალავს ქვეყნის ტერიტორიაზე რუსული არხების მაუწყებლობა.
თბილისი, 28 თებერვალი – Sputnik. საქართველოს ერთ-ერთმა ყველაზე მსხვილმა ტელესაკომუნიკაციო კომპანია Silknet-მა ზოგიერთი რუსული ტელეარხი დროებით გათიშა.
რუსული არხების გათიშვის მიზეზად Silknet-ში რუსეთის სამხედრო ოპერაციის გამო უკრაინის სოლიდარობა დაასახელეს.
Silknet-ის კლიენტებს ყველა რუსული არხი ბადეში აქვთ, მაგრამ ნაწილი არ ირთვება. წარწერა „გათიშულია“ ჩნდება შემდეგი არხების ჩართვისას: „НТВ მირი“ „პირველი არხი“, „РТР პლანეტა“. უპრობლემოდ შეიძლება შემდეგი არხების ყურება: ТВЦ, СТС, ТНТ, РЕН ТВ.
საქართველოს კომუნიკაციების ეროვნულ კომისიას არ აუკრძალავს რუსული არხების მაუწყებლობა ქვეყნის ტერიტორიაზე. გადაწყვეტილება თავად კომპანია Silknet-მა მიიღო.
ამასობაში ოპოზიცია საქართველოს ხელისუფლებისგან ითხოვს საქართველოს ტერიტორიაზე რუსული არხების მაუწყებლობის გათიშვას და ინტერნეტ-გვერდების დაბლოკვას.
რუსეთის პრეზიდენტმა ვლადიმირ პუტინმა 21 თებერვალს ხელი მოაწერა დონეცკისა და ლუგანსკის რესპუბლიკების აღიარების შესახებ განკარგულებას, 24 თებერვალს კი უკრაინის „დემილიტარიზაციისა და დენაციფიკაციის“ მიზნით სპეციალური სამხედრო ოპერაცია წამოიწყო.
ყველა ახალი ამბავი
0