საქართველოს კალათბურთის ნაკრების კაპიტანმა მოსკოვის „ცსკა“ დატოვა

© photo: Sputnik / Vladimir Astapkovich / გადასვლა მედიაბანკშითრნიკე შენგელია
თრნიკე შენგელია - Sputnik საქართველო, 1920, 27.02.2022
გამოწერა
კლუბში განაცხადეს, რომ მოთამაშეებთან შეთანხმების სტატუსი გაირკვევა მაშინ, როდესაც ევროპაში პოლიტიკური და სპორტული ვითარება დასტაბილურდება
თბილისი, 27 თებერვალი - Sputnik. საქართველოს კალათბურთის ნაკრების კაპიტანმა და მოსკოვის „ცსკას“ ფორვარდმა თორნიკე შენგელიამ „არმიელთა“ რიგები დატოვა, ნათქვამია კლუბის განცხადებაში.
„ოჯახური და პირადი მიზეზებით, რაც დაკავშირებულია რუსეთსა და უკრაინას შორის არსებულ სიტუაციასთან, თორნიკე შენგელიამ და იფე ლუნდბერგმა კლუბი დატოვეს. მალე სამშობლოში დაბრუნდებიან იოჰანეს ფოგტმანი (გერმანია) და მარიუს გრიგონისი (ლიეტუვა). კალათბურთელების მოქმედებები კონტრაქტის პირობებისა და კლუბის რეგლამენტის დარღვევაა. თუმცა გუნდი გაგებით ეკიდება თითოეული კალათბურთის მდგომარეობას“, - ნათქვამია განცხადებაში.
კლუბში აღნიშნეს, რომ მოთამაშეებთან შეთანხმების სტატუსი გაირკვევა მას შემდეგ, რაც „პოლიტიკური და სპორტული სიტუაცია ევროპაში დარეგულირდება“.
ანგარიშში ასევე აღნიშნულია, რომ „ცსკას“ ყველა დანარჩენი კალათბურთელი და მწვრთნელი ჩვეული გრაფიკის მიხედვით აგრძელებს მზადებას მომავალი მატჩებისთვის.
ევროპაში შექმნილი ვითარების გამო, ევროლიგამ გადაწყვიტა გააუქმოს ორი მატჩი „ცსკას“ მონაწილეობით - „ბაიერნთან“ (24 თებერვალი) და „ბარსელონასთან“ (27 თებერვალი). მატჩების ჩატარების თარიღები მოგვიანებით გახდება ცნობილი.
შენგელია „ცსკას“ შემადგენლობაში 2020 წლის ზაფხულიდან თამაშობს. ქართველი კალათბურთელი მოსკოვურ კლუბში ესპანური „ბასკონიიდან“ გადავიდა, რომლის შემადგენლობაშიც ექვსი სეზონი ითამაშა.
წყარო - კალათბურთის კლუბ „ცსკას“ ვებგვერდი
ყველა ახალი ამბავი
0