https://sputnik-georgia.com/20220225/tbilisshi-jansug-kaxizis-xsovnis-sagamo-gaimarteba-264799197.html
თბილისში ჯანსუღ კახიძის ხსოვნის საღამო გაიმართება
თბილისში ჯანსუღ კახიძის ხსოვნის საღამო გაიმართება
Sputnik საქართველო
კახიძე გარდაიცვალა 2002 წლის 7 მარტს. დაკრძალულია დიდუბის პანთეონში. 25.02.2022-ს, Sputnik საქართველო
2022-02-25T19:58+0400
2022-02-25T19:58+0400
2022-02-25T23:08+0400
საქართველო
კულტურა საქართველოში
თბილისი დღეს
ახალი ამბები
საზოგადოება
https://cdnn1.img.sputnik-georgia.com/img/23322/53/233225353_0:63:1201:738_1920x0_80_0_0_84ca9105c4176362d68a4a8158911267.jpg
თბილისი, 25 თებერვალი — Sputnik. ჯანსუღ კახიძის სახელობის თბილისის მუსიკალურ-კულტურული ცენტრის სცენაზე 7 მარტს ცნობილი კომპოზიტორისა და დირიჟორის ჯანსუღ კახიძის გარდაცვალების წლისთავისადმი მიძღვნილი კონცერტი გაიმართება.საღამოზე თბილისის სიმფონიური ორკესტრი და საქართველოს სახელმწიფო საგუნდო კაპელა ჯანსუღ კახიძის ვაჟის ვახტანგ კახიძის დირიჟორობით შეასრულებენ მოცარტის, მალერის, ბრამსისა და სხვა კომპოზიტორების ნაწარმოებებს.სოლისტები იქნებიან თინათინ მამულაშვილი (სოპრანო), მიხეილ აბრამიშვილი (კონტრატენორი) და ირაკლი მუჯირი (ბარიტონი).ჯანსუღ კახიძეჯანსუღ კახიძე დაიბადა 1936 წელს ბაღდათის რაიონის სოფელ ობჩაში. 1958 წელს დაამთავრა თბილისის კონსერვატორიის საგუნდო-სადირიჟორო ფაკულტეტი, 1963 წელს – ასპირანტურა საოპერო და სიმფონიური დირიჟორობის განხრით. სტაჟირება გაიარა საფრანგეთში იგორ მარკევიჩთან. სხვადასხვა წლებში იყო საქართველოს საგუნდო კაპელის და თბილისის ოპერისა და ბალეტის სამხატვრო ხელმძღვანელი და მთავარი დირიჟორი. 1971-1973 წლებში ხელმძღვანელობდა ოპერის თეატრს ლოძში (პოლონეთი). 1993 წელს დააარსა თბილისის ახალი სიმფონიური ორკესტრი და იყო მისი უცვლელი ხელმძღვანელი.ჯანსუღ კახიძეს ეკუთვნის მუსიკა უამრავი კინოფილმისთვის; შემოქმედებითი მეგობრობა აკავშირებდა გია ყანჩელთან – კახიძემ შეასრულა და ჩაწერა კომპოზიტორის ყველა სიმფონია. კახიძე გამოდიოდა საზღვარგარეთ: დირიჟორობდა ბავარიის რადიოს ორკესტრს, ლონდონის, ვაშინგტონის, ბოსტონის, სიდნეისა და მელბურნის სიმფონიურ ორკესტრებს, ასევე მილანის „ლა სკალას“ ორკესტრს. მისი სადირიჟორო ჯოხი ინახება ბუსეტოში, ჯუზეპე ვერდის სახლ-მუზეუმში.როგორ იქცა სასიდედროს მიერ დაწუნებული სასიძო გენიალურ მაესტროდ>>>კახიძე გარდაიცვალა 2002 წლის 7 მარტს. დაკრძალულია დიდუბის პანთეონში. ჯანსუღ კახიძის გარდაცვალების შემდეგ მისი სახელობის მუსიკალურ-კულტურულ ცენტრს ხელმძღვანელობს მუსიკოსის ვაჟი, ასევე დირიჟორი და კომპოზიტორი ვახტანგ კახიძე.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2022
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, კულტურა საქართველოში, თბილისი დღეს, ახალი ამბები, საზოგადოება
საქართველო, კულტურა საქართველოში, თბილისი დღეს, ახალი ამბები, საზოგადოება
თბილისში ჯანსუღ კახიძის ხსოვნის საღამო გაიმართება
19:58 25.02.2022 (განახლებულია: 23:08 25.02.2022) კახიძე გარდაიცვალა 2002 წლის 7 მარტს. დაკრძალულია დიდუბის პანთეონში.
თბილისი, 25 თებერვალი — Sputnik. ჯანსუღ კახიძის სახელობის თბილისის მუსიკალურ-კულტურული ცენტრის სცენაზე 7 მარტს ცნობილი კომპოზიტორისა და დირიჟორის ჯანსუღ კახიძის გარდაცვალების წლისთავისადმი მიძღვნილი კონცერტი გაიმართება.
საღამოზე თბილისის სიმფონიური ორკესტრი და საქართველოს სახელმწიფო საგუნდო კაპელა ჯანსუღ კახიძის ვაჟის ვახტანგ კახიძის დირიჟორობით შეასრულებენ მოცარტის, მალერის, ბრამსისა და სხვა კომპოზიტორების ნაწარმოებებს.
სოლისტები იქნებიან თინათინ მამულაშვილი (სოპრანო), მიხეილ აბრამიშვილი (კონტრატენორი) და ირაკლი მუჯირი (ბარიტონი).
ჯანსუღ კახიძე დაიბადა 1936 წელს ბაღდათის რაიონის სოფელ ობჩაში. 1958 წელს დაამთავრა თბილისის კონსერვატორიის საგუნდო-სადირიჟორო ფაკულტეტი, 1963 წელს – ასპირანტურა საოპერო და სიმფონიური დირიჟორობის განხრით. სტაჟირება გაიარა საფრანგეთში იგორ მარკევიჩთან.
სხვადასხვა წლებში იყო საქართველოს საგუნდო კაპელის და თბილისის ოპერისა და ბალეტის სამხატვრო ხელმძღვანელი და მთავარი დირიჟორი. 1971-1973 წლებში ხელმძღვანელობდა ოპერის თეატრს ლოძში (პოლონეთი). 1993 წელს დააარსა თბილისის ახალი სიმფონიური ორკესტრი და იყო მისი უცვლელი ხელმძღვანელი.
ჯანსუღ კახიძეს ეკუთვნის მუსიკა უამრავი კინოფილმისთვის; შემოქმედებითი მეგობრობა აკავშირებდა გია ყანჩელთან – კახიძემ შეასრულა და ჩაწერა კომპოზიტორის ყველა სიმფონია. კახიძე გამოდიოდა საზღვარგარეთ: დირიჟორობდა ბავარიის რადიოს ორკესტრს, ლონდონის, ვაშინგტონის, ბოსტონის, სიდნეისა და მელბურნის სიმფონიურ ორკესტრებს, ასევე მილანის „ლა სკალას“ ორკესტრს. მისი სადირიჟორო ჯოხი ინახება ბუსეტოში, ჯუზეპე ვერდის სახლ-მუზეუმში.
კახიძე გარდაიცვალა 2002 წლის 7 მარტს. დაკრძალულია დიდუბის პანთეონში. ჯანსუღ კახიძის გარდაცვალების შემდეგ მისი სახელობის მუსიკალურ-კულტურულ ცენტრს ხელმძღვანელობს მუსიკოსის ვაჟი, ასევე დირიჟორი და კომპოზიტორი ვახტანგ კახიძე.
