ევროკომისიის თავმჯდომარე: კრემლს პასუხს ვაგებინებთ
10:03 24.02.2022 (განახლებულია: 15:54 20.07.2023)
© photo: Sputnik / Grigoriy Sysoev
/ გამოწერა
თბილისი, 24 თებერვალი − Sputnik. ევროკომისიის თავმჯდომარე ურსულა ფონ დერ ლაიენმა დაგმო რუსული ჯარების დონბასში შეყვანა და ვლადიმირ პუტინის მიერ გამოცხადებულ სამხედრო სპეცოპერაციას უკრაინაზე თავდასხმა უწოდა.
We strongly condemn Russia´s unjustified attack on Ukraine.
— Ursula von der Leyen (@vonderleyen) February 24, 2022
In these dark hours, our thoughts are with Ukraine and the innocent women, men and children as they face this unprovoked attack and fear for their lives.
We will hold the Kremlin accountable.
ამასთან ფონ დერ ლაიენმა პირობა დადო, რომ „კრემლს პასუხისგება მოუწევს“.
„ჩვენ მკაცრად ვგმობთ რუსეთის გაუმართლებელ თავდასხმას უკრაინაზე. ამ მძიმე საათებში ჩვენ ვფიქრობთ უკრაინაზე, უდანაშაულო ქალებზე, მამაკაცებსა და ბავშვებზე, რომლებიც არაპროვოცირებულ თავდასხმას ეჯახებიან და სიკვდილის საფრთხის წინაშე დგანან. ჩვენ პასუხს ვაგებინებთ კრემლს“, − დაწერა ევროკომისიის თავმჯდომარემ საკუთარ Twitter-ზე.
რუსეთის პრეზიდენტმა ვლადიმირ პუტინმა დღეს, დილით გამოაცხადა დონბასში სპეციალური სამხედრო ოპერაციის დაწყება. მისი თქმით, რუსეთის გეგმებში „არ შედის უკრაინის ტერიტორიის ოკუპაცია“. ამასთან რუსეთის თავდაცვის სამინისტრო ირწმუნება, რომ მშვიდობიან მოსახლეობას არაფერი ემუქრება. ამ დროისათვის უკრაინის მთელ ტერიტორიაზე საომარი მდგომარეობაა გამოცხადებული.
